ùi hōló kaktō͘ khoàⁿ gíbûn kàuha̍k

From: 阿天 A|C
Date: 2007-07-16 03:20:27

Ta̍kgê hó:

Chit kúi nî lâi, Tâi'oân lâng ū teh gīlūn, kotiong ha̍kseng teh tha̍k ê bûnchiuⁿ ài khǹg khah chē kó͘chá hàn'gí khah hó ahsī khǹg khah chē Pakkiaⁿ'oē bûnchiuⁿ chiah khah hó.  Kîsi̍t, Tâi'oân ê hōlólâng bô èngkai lâi gō͘kái.  Beh thoat-hàn, ài sûn pō͘sò.Tāiseng, lán ài chaibat tó chi̍t chiah sī hó͘, tó chi̍t chiah sī hó͘'ákiáⁿ.  Kóng beh tha̍k kó͘chá Áchiu lâng ê ha̍kbūn, ahsī kóng beh ēng hiāntāi chînná (秦 á) oē teh chhòngchok, lí kóng tó chit pêng khah siàn chînná-hong (秦 á 風)? Tùi lán Áchiu tanglâmpō͘  ê lâng lâi kóng, Pakkiaⁿ'oē kám m̄ sī kesi nāniā? Tē jī, lán ài se̍hsin lâi bīntùi lán poàⁿ-hàn poàⁿ-hoan ê koèkhì.  Lán m̄ thang bē-kì lán hoan chó͘ hit pêng ê kàsī.  The̍h lán poàⁿ-hoan ê gígiân kah lán ê poàⁿ lia̍p hoanná sim lâi seng'oa̍h, chò lâng, chò senglí, he to̍h sī oa̍tlâm-bûn ūntōng kah hōló-bûn ūntōng ê chengsîn.

aThiⁿ siōng