佇美國挽水果 (TGHS C02)

發信人: (Iunn Ungian), 信區: Taiwanese 標 題: 佇美國挽水果 (TGHS C02) 發信站: 台灣大學 (Wed Nov 9 13:45:00 1994) 轉信站: cis_nctu!news.cis.nctu!news.cc.nctu!nctuccca!netnews.ntu!ccms!iug

佇美國挽水果 猴囡仔

　　美國有職寡果子園予儂家己挽果子。入去 挽毋免買門票。佇內面會使kichai你食甲暢， 攏免錢。若卜chah轉去食兮chiah 愛秤重算錢 。 　　有儂可能會問，按爾種果子兮儂敢會凍趁 錢? 因為儂會使去內面食歸腹肚，無共伊買著 轉去阿。但是有去挽過兮儂攏知影其實袂按爾 。因為儂兮腹肚毋是真爻toe 。食傷儕擱會歹 腹肚。另外著是開車一choa去佫庄跤尚少嘛愛 一點鐘。所以干那去食無買，算汽油錢袂和。 　　會凍挽兮果子有幾落種。有櫻桃，白桃， 水蜜桃，STRAWBERRY， APRICOT，　i̍…等等 。照我看，台灣儂尚愛去挽櫻桃。櫻桃樹真軂 ，下跤生兮儂攏先挽去啊，所以需要夯一隻梯 仔爬去樹仔頂挽。桃仔樹卡細欉，跤躡一兮著 挽會著。STRAWBERRY是趖塊塗跤兮，所以愛踞 兮挽。 　　去挽兮儂真儕攏是東方儂，嘛有東方儂佮 白儂兮翁仔某。毋知是毋是咱東方儂卡枵鬼， 益是注重健康。大部分去兮攏是歸家口仔駛車 去挽兮。挽了歇睏兮時會使PICNIC，食便當配 果子。按爾彳亍擱心適擱經濟擱健康。

-- ───「清華」大學．「台灣」大學．「建國」中學．「和平」國中─────── 濛霧中, 我那像閣看著, 清純丌阿姊微微仔塊[在]笑, 勻勻仔行對我遮[chia,這裡]來, 手內捀[phang,捧]一把[pe]野百合, 野百合頂面, 滿含露水。 毋閣我知影, 彼毋是野百合丌露水, 彼是阿姊悲情丌目水…… ─── 林文義 《綠島百合》 (Ungian)(Ungian)