火燒埔 (TGHS C01)

發信人: (Iunn Ungian), 信區: Taiwanese 標 題: 火燒埔 (TGHS C01) 發信站: 台灣大學 (Wed Nov 9 09:05:17 1994) 轉信站: cis_nctu!news.cis.nctu!news.cc.nctu!nctuccca!netnews.ntu!ccms!iug

ps : 《台語學生》試刊第一期是蘇明志主編, 職[chit]篇是伊所寫丌。

▆ 社 論 ▆ 火燒埔

真歡喜會tang佮諸君在紙上相見，相信你 我攏chhit-bun 攏佇咧寫歷史，咱攏是創造未 來台灣精神e 先鋒，是一粒種子，一粒粒大火 摧殘了後，重建台灣e 種子。 回想過去國民黨對咱台灣e 對待，就若親 像一場場刁工放e 大火；為著新統治者自身e 利益，所以因放大火，燒盡咱台灣儂精神、文 化、語言、歷史、殺盡台灣儂e 精英！由早期 e 二二八，進入白色e 恐怖時期、烏名單e 點 油做記號……到美麗島事件、林家滅門慘案等 ，再再teh 打擊「無乖e 台灣儂」，消滅台灣 儂e 尊嚴，成為一e 思想真空e 台灣，取代入 來e 只不過是物慾e 洗腦，以經濟來控制台灣 儂e 靈魂，用「中國大一統」e 麻啡來thau咱 e 子子孫孫，成為中國儂永永遠遠e 奴隸！ 如今佇島內，只見兮是飲酒嘻嘩兮「進步 假像」，台灣儂兮文化消失囉！在媒體上看袂 著島上真真正正兮聲音，亦無儂確確實實為台 灣儂兮未來而考量，社會無公義、國際無地位 ，台灣儂啊！台灣儂啊！咱實在比Gypsy 人（ 吉卜賽人）更加可悲啊！ 你、我身為台灣儂兮一份子，如果猶有一 sut-sut 仔兮正義感，無論你是原住民、客家 、河佬儂等族群，只要你兮心猶擱佇台灣，那 就請咱大家共同來關心職塊土地，重視咱兮未 來，「大聲hoah出愛台灣！」 首先就先由發揚咱兮母語做起，因為只要 有儂肯講母語，就證明你兮族群並猶未完全被 ，國民黨所消滅；但是筆者認為，干若會曉講 母語是無夠=e！甚至咱愛將依寫出來，ta咱兮 台灣意識表現出來！ 「一粒麥仔若無被埋在土內，伊就無發度 結出一koaN-koaN 飽穗兮麥仔出來！」仝款=e 「一條蕃藷仔若無種佇咧土內，伊永遠只是一 條蕃藷仔而已！」阮希望=e是在「火燒埔」之 後,若有猶未hong pu熟去=e蕃藷仔，請咱就共 同來扑拚奮鬥！將蕃藷藤仔爬滿島內兮每一兮 山崙，開出咱台灣儂真真正正燦爛花蕊出來！

-- ───「清華」大學．「台灣」大學．「建國」中學．「和平」國中─────── 按怎共我引抴[帶領] ? Anchoa* kagoa inchhoa ? 引抴我去佫世外桃源 inchhoa goa khikau pahhoe e sekai 我卜離開迄兮予城市淹去丌 goa beh likhui hite hoo sia*chhi im--khi e 我家己 goa kaki 著親像將記憶中生分閣可愛丌 tioh chhinchhiu* chiong kiek tiong chhi*hun 名字放拺共款 koh khoai e miaji pangsak kangkhoan (Ungian)(Ungian)