韓国字嫁 hō͘ 鐵島 ê ciacia 人，去南海做新婦

From: 天
Date: 2009-08-09 21:53:13

逐 ê 好！Cit cāmmá 有一條真心適 ê 消息。

Bau Bau 市政府已經 tī 今年七月開始 chuisak 一種用朝鮮諺文寫 ê ciacia 文（바하사 찌아찌아）。Bau Bau tī Butung 島，ah Butung 島 sī Ìntō͘nísī'ā Sulawesi（鐵島）ê 離島。Ciacia 語 sī ciacia 人 ê 族群 á 話，聴講 ciacia 人 koh lóngmā 会曉講 wolio 語及 málai 話。Wolio 語 sī Butung 島 hia ê 共通話，málai 話 sī Ìntō͘nísī'ā ê 国語（「bahasa Indonesia」）。

Khah 早，ciacia 話及 málai 話 lóng sī the̍h alábi'iā 字來 teh 寫 ê。Tī 第二十世紀，málai 語正式 hō͘'n̂g 改做 sī 用 lomá 字 teh 寫，he 有一部分 sī 因為南洋 ê hōló 人偏偏真 thīn lomá 字、反対 alábi'iā 字。M̄ koh 聴講 ciacia 文 kàu taⁿ 已經無人 teh 书寫。聴講本成 sī 南韓国 ê 訓民正音研究院落南去 kā ciacia 人 siâⁿ，kā in 介紹朝鮮諺文、kā in ko͘ciâⁿ，了後 koh kā in tàu 編、tàu 印課本，七月二十二号 tī 国校分 hō͘ 學生用。

阿韓 á ciah 骨力 teh 落南，lán Tâi'oân 人 iáu tiàm cia teh so 家己 ê XX…

有関 cit 層 tāicì ê 新聞及网誌（lóng eng 語 ê）：

- http://www.france24.com/en/20090806-indonesian-tribe-use-korean-alphabet-scholar …（仝 ê：http://thejakartaglobe.com/home/southeast-sulawesi-tribe-using-korean- alphabet-to-preserve-native-tongue/322636 ）

http://amhoanna.blogspot.com/2009/08/ciacia-chhoa-ho-e-ciacia-chhoa.html