Hoan-gêng, lâi chē!

Chia sī Tâi-gú Bāng kì-lio̍k bāng-chām.

Siāu-kài

"Tâi-gú Bāng" sī kīn-tāi bāng-chām (World Wide Web) sî-tāi (1991 nî khí) hoat-tián liáu-āu, chin iàu-kín ê Tâi-gí-bûn kì-lio̍k. Sî-kan tāi-iok ùi 1994 kàu 2022. (Bo̍k-chiân ū khioh--ê)

Che sī kó͘-chá tiān-chú phoe-sìn kau-liû (mailing list) ê hêng-sek, sǹg pòaⁿ kong-khai--ê.

Chiah ê chu-liāu thang kiàn-chèng chho͘-chho͘ ū bāng-lō͘ hit chūn, Tâi-bûn tī sò͘-ūi bāng-lō͘ ê le̍k-sú. Mā sī Tâi-gí-bûn ūn-tōng tiōng-iàu ê kì-lio̍k.

Bûn-jī ū siáⁿ khoán-sek kap te̍k-sek

Bûn-jī chin chē phah "bô tiāu-hō sek", a̍h sī "siaⁿ-tiāu sò͘-jī sek" chit khoán te̍k-sek, hoán-èng tiān-náu sî-tāi chho͘-kî ê chōng-hóng. Hit chūn sui-bóng í-keng ū Tâi-bûn su-ji̍p-hoat, iáu bô hiah phó͘-ki̍p, he̍k-chiá bô hiah lī-piān.

"Bô tiāu-hō sek" sī chhin-chhiuN an-ne, Peh-oe-ji bo sia siaN-tiau hu-ho. Peh-oe-ji phiN-im "ⁿ" sia N, "o͘" sia ou. Chit khoán hêng-sek iā hián-bêng lán-lâng gí-giân lêng-le̍k nā ū kàu gia̍h, ū gí-kéng, ū chêng-āu bûn, siaⁿ-tiāu ū siá--bô cheng-chha bô kài tōa.