Tak-ke ho: Goa kin-a-jit kah chit ui Tai-gi lau-su khai-kang, kong-tioh bok-cheng Tai-tang bo-gi kau-hak e cheng-heng. Goa mng i hak-seng kam u kah-i oh Tai-gi, i kong ai khoaN lau-su an-choaN ka. I kong-tioh u koa lau-su ka Tai-gi e hong-sek, bo kai ho, u e chin phaiN e chhu-hoat gin-a, khi-chhio gin-a e khiuN-khau, chit khoan lau-su tek-khak hou gin-a bo-ai oh Tai-gi. TKSP sou po-to e, hoan-se si u-iaN chun-chai e hian-siong. Tong-jian in si beh ta-kek bo-gi kau-iok, m-koh lan ai chu-i bo-gi kau-iok su-chu e bun-te, kau-iok-pou iau bo cheng-sek poe-iong bo-gi su-chu e phah-sng. Chit-tiam na bo kai, na e-hiau kong Tai-gi ah-si e-hiau thak-sia Tai-gi e lang long e-tang cho Tai-gi kau-su, Tai-gi kau-iok chin phaiN kong u sim-mih chiong-lai. Hak-khiam