Fwd: 本土語言ê「首冊」羅馬字

From: Babuza
Date: 2015-10-05 10:52:12

本土語言ê「首冊」羅馬字

 

                                                            張復聚 高雄醫學大學台語文講師

 

 

教育部國民中小學九年一**貫課程綱要語文學習領域已經舉辦3次公聽會，針對客語、台語「一年學漢字、三年才學有羅馬字(台羅)」部份真有意見。

對三年級才beh開始教羅馬字，這違反教學原理，嘛阻礙台灣囡仔後擺佇世界ê發展！

這馬學生去學校學華語，一開始就是先學10禮拜「首冊」ㄅㄆㄇ，然後才學漢字。學生會曉ㄅㄆㄇ了後，就會當用ㄅㄆㄇ寫簡單ê句讀，甚至一直到後擺寫文章，有時若袂記得寫漢字按怎寫，koh會當提ㄅㄆㄇ來鬥，意思嘛真完整！這就是先學ㄅㄆㄇ好處佮優點。

按呢應該真清楚，beh學客語、台語，絕對是先學教育部制定ê羅馬字！所以，教育部應該制定本土語言ê「首冊」羅馬字！馬英九總統台語會當學到這款程度，嘛是靠羅馬字(白話字)、m̄是ㄅㄆㄇ！馬偕、盧慧夫、蘭大衛嘛攏是按呢。

 

Koh來，台灣囡仔後擺須要去全世界走chông(奔走)，佮人盤nóa(套交情)，做生理、拚經濟；這个時陣，上要緊ê代誌就是會當用對方ê語言來講。若是細漢就學會曉好好仔利用羅馬字，到時beh學別人語言，不管是日語、德語、西班牙語、非洲ê語言等等，攏親像桌頂ni柑，極其簡單。這馬真濟去越南ê台商，袂曉羅馬字，beh學越南話真困難，不得已倩真濟中國人做主要幹部，嘛發生足濟代誌。相對來講，越南新娘beh學本土語足緊，因為越南ê文字全部攏是羅馬字！本人進前嘛是用8點鐘就學會曉布農族醫療用語。ㄅㄆㄇ符號只有37个，表示ê音韻過頭少，對學習世界語言無啥物幫贊。

結論：羅馬字愈早教愈好。

 

 

有趣味會當繼續參考：

http://www.southnews.com.tw/Taiwanese/00/00012.htm

 

 Ū tâu-kó Chū-iû Kóng-tiûⁿ.

台灣南社台灣羅馬字協會 李江却台語文教基金會高雄醫學大學台語文講師 Tiuⁿ, Ho̍k Chû (張, 復聚) 醫生 Email:

備註︰轉寄本電子郵件給他人時, 請用密件(BCC)寄送, 同時請刪除本人的郵址(email address)