Khoàⁿtio̍h 1 phiⁿ kóngtio̍h Tiongkoktóng tī Vietnam ê tāichì?

From: Phokgoân
Date: 2007-03-15 17:31:58

Goá tiāⁿtiāⁿ khì se̍h 1 ê hōchò PTT ê BBS chām. Chit-ê chām sī bo̍kchêng tāiha̍k seng siōng ài khì ê chām. Jîchhiáⁿ lâng chin choē, sûisî lóng ū 50,000 ísiōng ê lâng tī hia.Kináji̍t, goá khì se̍h PTT chāmlāi ê "historia" (le̍ksú) pán, khoàⁿtio̍h 1 phiⁿ bûnchiuⁿ…http://www.ptt.cc/bbs/historia/M.1173880027.A.F44.htmlLāité kóngtio̍h i khì siōng Chiúⁿ Ûibûn lāusu ê khò. Kóng i kámkak Chiúⁿ lāusu teh "hó͘lān". M̄koh, goá sī teh siūⁿ, i lāibīn kóng lóngsī Chiúⁿ lāusu kóng ê oē, kám chinchiàⁿ lóngsī Chiúⁿ lāusu ánne kóng? A̍hsī chit-ê ha̍kseng katī tī hia teh hau? Inūi goá ū tī iâⁿtūi (Hoésiotó) kap giánthóhoē (kūnî 9 goe̍h) thiaⁿtio̍h Chiúⁿ lāusu kóng tongchhoesî Vietnam chia ê tāichì, siūⁿbeh liáukái, m̄koh tī Tâipak bô khólêng khì thiaⁿ Chiúⁿ lāusu ê khò…Koh kóngtio̍h chit phiⁿ bûnchiuⁿ ê chokchiá, i ê miâsiaⁿ chin chhàu, hoat liáu chit phiⁿ bûnchiuⁿ bô goākú, tio̍h inūi chìnchêng ûihoán kuitēng khì hō͘ pánchú kìmchí siá bûnchiuⁿ 30 kang. Chí putkò goá tùi "i kóng lāusu kóng ê hia-ê oē", ia̍hsī siūⁿbeh liáukái.