Nn̄g-īⁿ-thiaⁿ Jīgoe̍h 27 imga̍khoē -- "1947, Requiem"

From: Phokgoân
Date: 2007-12-31 11:54:14

Kokūi, Tâi-Bîn Koán ê Kokka Imga̍k Thiaⁿ tī mênî Jīgoe̍h 27 beh iánchhut "1947, Requiem." http://www.artsticket.com.tw/CKSCC2005/cart/cart00/ShowMap.aspx?performanceid=oK4bYlG1GfzGXd8YuasjBQ Chhiáⁿ takke iauchhiáⁿ ài imga̍k, ū Tâioân sim ê pêngiú tàutīn lâi thiaⁿ! "1947" sī Tàijiân Siau Siansiⁿ ê "1947 Overture (Mandarin kóng 一九四七序曲)." Tàijiân Siau Siansiⁿ sī Tâioân Kohiông lâng, sī chi̍tê kó͘tián imga̍kka. Simchì hō͘ kokchè chhengchò "Tâioânê Rachmaninoff" (Rachmaninoff, Mandarin kóng 拉赫曼尼諾夫, Lō͘sea ê imga̍kka. Ū chi̍tê phian-hō hōchò "choèāu chi̍tê Lōngbān Phài"). I tī 1994 chhòngchok ê "1947", sī ūitio̍h kìliām 228 sūkiāⁿ ê chokphín. Imga̍k lāité hiòng sèkài jînbîn thoânta̍t Aì, Hibāng kap Hôpêng. Lāité ê ha̍pchhiùⁿ "Tâioân Chhùichhiⁿ", kohkhah sī hō chinchoē ū Tâioân sim ê kokbîn, tòngchò sī Tâioânkok ê kokkoa. Ánne chi̍tūi úitāi ê imga̍kka, lán kichhó͘ kàuio̍k kap imga̍k kàuio̍k soah kánna chin hànti̍t kā kàisiāu. "Requiem (Mandarin kóng 安魂曲)" sī Tekkok imga̍kka Johannes Brahms (Mandarin kóng 布拉姆斯) chhòngchok ê "Ein Deutsches Requiem". Sī chi̍tsiú íniōng chin choē Sèngkeng ê bûnsû ê ha̍pchhiùⁿkhek. Lāité ê tēla̍k ga̍kchiuⁿ "Denn wir haben hier kiene bleibende Stadt… / Denn es wird die Posaunne erschallen…" (In-ūi tī chia lán bô kú-tn̂g tī-teh ê siâⁿ… Hi. 13,14/ Chi̍t sî-á kú, ba̍k chi̍t nih, bo̍at-kî sàu-kak tân ê sî… Ko 15,52) kohkhah sī sèkài ūmiâ ê khektiāu. Chhiáⁿ ta̍kke kàisiāu pêngiú khì thiaⁿ. Nā ūêng goá ē chò kohkhah choē imga̍k kàisiāu.Phokgoân, Cha̍pjīgoe̍h 31, 2007