"alai" hou taigu-bang e phoe:

==========
2. Kinn-bin
Chit-kai lai Phenn-ou si Lebi [ke-mia] iauchhiann goa lai-e; i si goa ti
banglou bat e peng-iu, iau mbat kinn-bin. Tah-jip ki-tiunn toa-thiann,
khoann-tioh chit-e suisui-a, chheng gu-a-khou, lau tng-thauchang e siochia,
goa to chai-iann, he itteng tosi i. Si annoa kong ne? Inui lai chiap li-kheh
e lang punlai to bo-che ah. Boeh lai chiap chhinchiann-e kah boeh lai chap
peng-iu-e, chhengchhah kah piaucheng long u hunpiat, chit-khoann to hun
e-chut-lai ah.

Goa ka i iat-chhiu. Chit khoann-tioh goa iat-chhiu, i to tui goa-chia
kiann-koe-lai, bin-a chhio-chhio, koh u tampo-a phainnse-phainnse. I engtong
si e-jin-tit goa chiah-tioh, inui goa chincheng u iong email kia tianchu
siongphinn hou i. Tansi goa punlai peng mchai i senncho siann-khoan, tann
chongsi kinnbin ah, kamkak chinchiann hoannhi. I senncho pi goa siunn-e kha
sui, kha kouchui, koh u khichit. I si sio-hak e lausu, sinchai e-e-a,
sio-khoa puipui-a, che i ti khaisi esi to ka goa kong-koe ah. I-e sitche
nileng suijian 30-goa-hoe ah, tansi khoann-khi-lai kanna iaboe moa 30, mkoh
piaucheng-siong koh u chit-chiong u-chu-sin, u-keng-giam-e chabolang e
hongtou. Simsi kachhelang long kha be-lau, koann-khi-lai long si kha
siaulian ah?

Lebi ti banglou tengkoan kah goa seksai ikeng boeh kui-poann-ni loh. Goan ti
banglou seksai, esaikong si chit-chiong e ianhun lah. I u chit-e chin
put-heng e sinse, chu se-han tosi chit-e kouji, iu ama chhiann-iong toa-han.
Simsi hong-gan-pok-beng ah? I su-hoan pitgiap liau-au bo-goaku, in ama to
koesin-a, soah bo-ki-hoe hou i ka ama iu-hau. Koh-lai, in siansinn ti 3ni
cheng, tosi i 34hoe hit ni, inui chhiaho soah-lai li-khui I kah 2-e gin-a.
Siansinn si tok-kiann, chhu-lih iaukoh u 2-e si-toa-lang, ma su-iau i lai
chiaukou.

Chia-e longsi chit poann-ni-lai goa thaukoe banglou tui i e liaukai. Sinse
suijian chia-ni kkolian, tansi i iausi chit-e chin lokkoan, chin oahphoat e
chabou-gin-a. Bokkoai i chu-tong iauchhiann goa lai Phenn-ou cho i-e
langkheh, hou i chiauthai.

Kinnbin goa to mng i kong, âGoa lai ah! Tann li boeh anchoann ka goa
khoanthai ah?â
==========