"alai" hou taigu-bang e phoe:

4. Outobai
Tiam Phenn-ou thit-tho iong outobai siong li-pian. Goa-te lai e koankong-keh, iuki si siaulian-e, esai-kong toa pouhun long e chou-outobai khi thit-tho. Lebi kong, se-chia (50cc) e outobai choukim chit-kang, 24 tiamcheng, 250-300 khou; 100-125cc e outobai chit-kang 300-350 khou. 

Goan mbian chou, inui Lebi ikeng u ah. Lebi kong, chit-chia outobai ikeng khia 2ni-goa ah. Icheng i si khia khatachhia khi hak-hau, inui in-tau li hak-hau bo-hng. In thauke chhutsu liau-au, i chiah khaisi khia outobai, inui chhu-lih tangtang-saisai-e taichi, chhinchhiunn gin-a hoatsio boeh khoann iseng, hionghiong boeh khi chhi-a be chit-e siamih, chongsi u chit-tai-a outobai kha li-pian.

Goa bo outobai e kasu-chitchiau, kachai Lebi u, koh i-e chit-chia outobai si 100cc-e, goa esai hou i chai. Sikong, goa bo-sann-bat hou lang iong outobai chai, thau-chit-kai hou chabou-gin-a chai, soah kamkak koai-koai.

Phenn-ou e tolou long chin khoah, chin tit, koh chin toa-tiau; loubin long pou tamaka, pou-kah iuu-iu. Tolou e phiauchi ma choliau chin chhengcho. Chi-si u chit-e khoat-tiam: tui ho-thit-tho e souchai e chisi-pai choliau siokhoa kha bo-kau. Lebi suijian si chaite-lang, inui u-si-a khoannbo chisi-pai, i ma e-khi-hou teng-tann-khi. 

E-tau jit-thau khah nng-khi, hong sio-khoa khah liang. Lebi che-ti thaucheng, goa che-ti au-piah, outobai khui-kiann liau-au, i phoa-ti kengkahthau e tng-thaumo khaisi toe-hong poe-khi-lai, ti anchoanbo e au-piah iat-chit-e, iat-chit-e, u-si-a ma e phiat-ti goa-e bin lai, i-e thauchang chin jiu, chin phang. 

Lebi khia-chhia putchi-a u chapou khikhai, ho tann koh kann chhui-iu. I khiong-kiann goa che-ti au-piah chhiu bo-teh hoann, kio goa esai ka i hu-tioh. Goa punlai u tampo-a phainnse, tansi ui-tioh anchoan e iankou, koh khoann i hiah-nih taihong, goa to ka chhiu hoann-ti i-e kengkahthau, soah e-kintiunn, simkoann-thau khaisi pihpok-chhai.