"alai" hou taigu-bang e phoe:

6. 300-ni e chheng-a chhiu kah khoa-hai-e toakio

Tann nnglang to-a ikeng chuchujianjian-e chhiu khan chhiu ah, nnglang e kamcheng ui sio-khan-e chhiu sio-kauliu, goa-e lau-tuih i hia khi, i-e lau-tuih goa chia lai. Li-khui chuichok-koan koh khiachhia esi, che-ti aupiah e goa to chin chujian-e lam-tioh i-e io. I ka goa kong, inui goa lam i-e io, i kamkak kha be-koann, kha unloan. Takkhai si inui chit-si goa-e sim jiat-kunkun, i-e sim ma sio-thngthng pah!

Ti Pehsoa-to e lam-peng u chit-e chin umia e hongkeng-tiam, tosi thongniu-e chheng-a chhiu kah khoahai-e toakio. Thongniu chheng-a chhiu si chit-chang ikeng u 300-ni e chheng-a chhiu. Chhiu-im sou kham e binchek u 660 penghong meter. Che si inui chheng-a tin-lohlai e chhiukin tu-tioh thoukha esi pian toa-khou, kohchai piancho chhiusin, chhinchhiunn toa-thiau, sou-i tengkoan e chhiuki kah chhiuhioh cho-anne hiong hoainn-e honghiong tiankhui, tahkham-e binchek lu-lai lu-khoah. I longchong u 91-tiau e sennthoann-kin. Chhiu-a e ebin u khng chinche to-i, hou iukheh thang che-leh hiohkhun.

Phenn-ou inui te-heng penntann, hong toa, sou-i bo toachang chhiu-a. Chit-chang chheng-a esai-kong si chin tekpiat. I si cheng ti chit-keng kiocho Po-an-kiong e bio e thaucheng. Simsi inui u bio-lih sinbeng e popi chiah etang oahkah chiahni sui? Chitchang chheng-a esai-kong si Phenn-ou e po-chhiu. Ulang ti chhiuthau set sin-an, chiong i tongcho sinbeng teh pai. Lebi chham goa kiannkau hia, masi tangche siangchhiu hapsip, hiong chhiutau pai chit-e. Goa khoann i teh pai esi, chhui kana teh liam siamih. "Li ka simbeng kong siamih?" goa mng i. "Boai ka li kong!" i soah bin tng ang, oatthau khoann tinnteng.

Ui toachang chheng-a chhiu kiannlou mbian kui huncheng to kau khoahai toakio ah. 
Chit-e kio thiannkong si Oantong te-1 e chhimhai toakio, choantng chiongkin 2.5 kilometer, lianchiap Pehsoa-to kah Saisu. Saisu ma kiocho Hi-ang-to. Chit-e toakio u siang-chhiato, si 1970 ni khi ho-e. Lebi chiong outobai theng ti kio poann-tiong-eng e loupinn, kiann ti kioteng, khoann u kuia-e lang ti hia tio-hi-a. Goan chhiu khan chhiu, ti kio-teng na sanpou, na khoann haibin e hichun, ma khoann kio ebin e hai-eng. Haihong bibi-a choe, Lebi-e tng-thaumo usi khi hou hong chhoe-khilai, bang-tioh i-e bin kah bakchiu, i to iong chhiu ka poe-khui. I poe thauchang e hit-e chuse chin ho-khoann. Goa chin ai khoann i giahchhiu poe i-e thauchang, chuse chin iugann, chin u-khichit. Jitthau phak-ti i-e thauchang, thauchang ousimsim; phat-ti i-e bin, bin tai chhiojiong; phat-ti i-e bakchiu, bakchiu kimsisi; phat-ti i-e chhuitun, chhuitun chhiobunbun. Chit-e sichun, goa putkim soah lai chhiunn-chhut hit-tiau kio-cho 'Hit-e Sio-kouniu' e laukoa: Hit-e kouniu chinchiann bile, ulang kong i ch!
in kouchuiâÓ͘.