Hong-giau hiaN kong liau chin u to-li. Lan khak-sit su-iau put-si tho-lun un-tong e hong-liong, li-liam kah sit-che heng-tong.

Lan chia u be-chio ti hak-hau teh ka-chheh e lau-su, goa kian-gi lau-su
tiaN-tiaN kah hak-seng tho-lun gi-gian bun-te kah gi-gian heng-tong.

Tai-oan e khoan-po un-tong ti hak-hau lai-te put-chi-a siu tiong-si,
gi-gian un-tong eng-kai ai ka in oh. Goa kin-ni u chit e ke-oe teh cho
sia-khu Kheh-gi po-chun un-tong, goa an-sng tu-liau chhiaN e-hiau kong
Kheh-gi e hak-seng khi sia-khu soan-thoan i-goa, ma beh chhiaN hak-hau e
lau-su e-tang sek-ke chit e bo-gi sia-khu un-tong e kho-theng, thang-ho
hou hak-seng chu-i chit e bun-te, koh cho bo-gi po-hou e
the-chhiong-chia.

Goa iau-koh teh ke-oe. Choe-kin khoaN TLH e kong-ko u siuN beh ti chia
cho khang-khoan e tai-chi, m-koh kiaN chhoe bo lang. Chong-si Bo-gi kah
Eng-gi lai chhui-siau bo-gi ma si e-tang khip-in ka-tiuN e hong-hoat. 

Choe-kin u be-chio kai-siau pun-thou e lek-su ang-a-chheh si Tiong-bun
kah Eng-bun tui-chiau e, ma u be-chio "Hoe-pun" (u-tou e kou-su-chheh)
si siang-gi e, goa siuN lan e-tang li-iong chia e chheh iong bo-gi lai
kong kou-su.

Hak-khiam


-----Original Message-----
From:  [[mailto:owner-taigu@](<https://web.archive.org/web/20060517095812/mailto:owner-taigu@>)...] On Behalf
Of H. Tan-Tenn
Sent: Tuesday, May 10, 2005 3:27 PM
To: 
Subject: Re: [TGB] clear and present danger on Taigi

Bun-ge/bun-hak, siang-giap, in-soat chhut-pan, tian-chu chhut-pan 
(bang-lou teng-teng), kau-iok, sia-khu, hak-sut...tak-hang lan tioh ai 
cho.  M-koh kho-sioh lan iau bo toa kah e-tang hun-kang, e-tang bo kang 
lang ti bo-kang ui-ti hoat-hui.  E-sai kong cheng-kau-taN Tai-gi-bun 
un-tong chha-put-to si 1-e "bun-ji chhut-pan un-tong", chiu-si thau-koe 
bun-chiuN eng-hiong lang e su-siong, ke-tat-koan, kap heng-ui.  Lan 
pi-kau khah bo tiong-si ki-thaN e mui-the.  Chhin-chhiuN bok-cheng 
tian-si tak-jit u Kheh-oe bang-gah, bo Ho-lo-oe bang-gah, lan ma be khi 
khong-gi (kho-leng in-ui lan chia e lau-lang [30 hoe i-siong] bo teh 
khoaN bang-gah), ma be siuN beh khi ka lang be2 pan-koan phoe Tai-gi im,

Tai-gi ji-bou.  Tiong-san-kai-kip e "(Au-chiu) kou-tian im-gak" 
hong-sang-tai bo Tai-gi, lan ma kam-kak chin cheng-siong, ma be khi ka 
lang khong-gi ah-si khi eng-hiong tiam hia kong-ko e kong-ko be2-chu2, 
ah-si ka lang be2 Tai-gi kong-ko khoaN in kaN hong-sang bo.

Tai-gu-bun un-tong ki-pun-siong si 1-e "reactive" m-si "pro-active" e 
heng-ui bou-sek:  e hoan2-eng3, be che-cho su-kiaN.  2000 ni e Hoa-gi 
pheng-im su-kiaN kau choe-kin e bun-gian-bun su-kiaN long si chit-khoan 
bou-sek.  Sit-chai kong, lan tioh kam-sia hoan-tong-phai che-cho un-tong

e khong-kan hou lan, bo in lan ah-soah u seng-chun e i-gi?

Tai-gi-bun eng-kai tak-ni kiam-tho hit-ni kok-lai-goa e "gi-gian 
su-kiaN".  Bo kang-e thoan-the chi-kan eng-kai kian-lip 1-e khah it-ti e

khoaN-hoat ("chan-seng/hoan-tui Eng-gi kau-iok?", "goa-kok sin-niu e 
gi-gian kau-iok kap te-2-tai e gi-gian bun-te", "bo-kang chok-kun 
thong-hun te-2-tai e gi-gian kau-iok bun-te", "cheng-hu kam eng-kai 
chiam-tui tian-si ji-tong chiat-bok e bo-gi pi-le koan-che?", "kam u 
su-iau 1-e Ho-lo-oe Tian-si-tai?", "Heng-cheng-iN Ho-lo-oe Ui-oan-hoe?",

"gi-gian jin-koan kam u su-iau jip8-hian3?", "ji-tong-cheh, 
chheng-lian-cheh, bo-chhin-cheh, hu-chhin-cheh, kau-su-cheh kam u su-iau

phoe-hap bo-gi?", "tui ISO-639-3 teng7 Ban-lam-gi tai7-be NAN kam u 
i-kian?", "Kam u su-iau ham Kheh-ka thoan-the chiam-tui bo-gi bun-te 
tat-seng chian-liok-seng e kiong-sek?", "Kok-hoe kam u su-iau siat 
hoan-ek che-tou?", "kam u su-iau tak-ni tui-goa kong-po 1 hun 'Tai-oan 
Bo-gi Chok-kun tui 2005 ni e Koan-chhat kap Kian-gi'?", "kam u su-iau 
kou-le Tai-oan ia-seng-tong-but thoan-the tek-piat chu-gi 
ia-seng-tong-but e hui-Hoa-gi mia-chheng?", "beh an-choaN kou-le 
siau-lian-lang hou-siong kong bo-gi koh be ngai-gioh?", "To-1-e cheng-ti

jin-but si 2004 ni siong ui7 bo-gi phah-piaN e lang?  Si m si ai pan 1-e

chiong hou i?"), saN-kap hap-chok e kang-chok bok-phiau.  Bo hoat-tou 
tat-seng kiong-sek e sou-chai (iong-ji, pheng-im) chiam-si mai chhap.

Sek-cheng?  ChhiaN tau sia chit phiN "thoan-kau-su-sek":
<http://zh-min-nan.wikipedia.org/wiki/Tho%C3%A2n-k%C3%A0u-s%C5%AB-sek>








SAKAI Toru ti 2005/5/8 EP 10:29 sia-kong:
> goa si Sakai.
> 
> goa kamkak kau chitma e Taigikai siuNkoe giamsiok, tianto mkaN bintui 
> chitma kinkip e guiki e chunchai!
> 
> chitma ti Taioan, iuki si pakpou e guiki si siaulianlang long bo leh 
> kong Taigi. lampou chhutsi toahan e gina masi khi taipak thakchheh, 
> ma soah long bo teh kong Taigi.
> Tionglampou e hakseng chiiau ti tongoh tautin e sichun, ma long kong 
> Ti-a-oe.
> 
> binchuhoa i-au, tui bugi e toa e apche bo--khi e kiatko, chitma e 
> guiki si kong, takke tui PKG bo simmih kiongphekseng e kamkak, 
> tianto si 
> Taigi ti siaulianlang hittai bianlim-tioh oanchoan liusit e guiki!
> 
> i-au, mai iong giamsiok, siuNkoe jinchin e thaitou lai cho Taigibun 
> untong!
> ai kiaN hiong taichiong-hoa, sionggiap-hoa e lousoaN!
> tuliau liiong liansiokkiok igoa, goa ai kiangi e taichi si, 
> sia sekcheng siosoat (hu siongphiN lah!). 
> sekcheng e mihkiaN si sekai internet hoattian e chhoupou e tonglat, 
> masi sekai chhutpan bunhoa hoattian e tonglat.
> 
> iuki Taigi e teksek si tongsu, tongchok e piauhian u kau che, 
> pi PKG, Jitgi kohkhah che! soui chin sekhap lai sia sekcheng e 
> siosoat.  
> 
> Sakai

* * * * * * * * * * * * * * * * *
* Li chu-chheh e e-mail khau-cho si:  "H. Tan-Tenn"
.
* Beh kia phoe ho' tak-ke tioh iong chit-e khau-cho chiah kia-e-kau.
* * * * * * * * * * * * * * * * *

* * * * * * * * * * * * * * * * *
* Li chu-chheh e e-mail khau-cho si:  "Hak-khiam" .
* Beh kia phoe ho' tak-ke tioh iong chit-e khau-cho chiah kia-e-kau.
* * * * * * * * * * * * * * * * *