Tan bok-su,

Goa hian Tai-gi su-tian tiaN-tiaN khoaN-tioh chin u i-su e su-lui,
Pak-kiaN-gi ah-si Kheh-gi bo iong--e. Chin siuN beh ka theh lai iong,
khiok-si m-bat thiaN lang iong--koe. U-kho-leng in-ui goa bo ti Tai-oan, ma
u kho-leng chio lang iong, chong--si e kam-kak hong-khi chiaN bo-chhai. Che
si khah chu-koan e siuN-hoat.

Choe-kin 1-ui chhin-chiaN kia kha hou goa, chiok goa seN-jit khoai-lok. I
iong i han-tit iong--e POJ, kiat-ko chin che sou-chai jip-siaN (-k/-t/-p) bo
sia--chhut-lai. Sou-i u kho-leng Tai-gi chiap-chiok Hoa-gi e 1-e kiat-ko si
Tai-gi e im-chiat kan-hoa--khi (ma u kho-leng i be-hiau piau-si jip-siaN).
Loa b.s. ui-tioh beh kou-thong khi phoe-hap tiau-liu, che goa e-tang
liau-kai. M-koh goa kam-kak "thiaN-bo" kho-leng siuN pi-koan. U kho-leng
lang thiaN "sin-giong" e si-chun, thau-khak-lai thiaN tioh--e si "sin-iong".
"Ban-lian" thiaN bo, m-koh "chheng-lian", "siau-lian" eng-kai thiaN u, sou-i
m-si in-ui oan-choan m-chai "lian5" u "ni5" e i-su. Eng-kai kong,
"ban-lian" chit-e su5 chhut-hian e pin-lut khah ke, sou-i hiong-hiong m-chai
i-su.

Eng-bun e khau-gi bo "thou", "thee" chiah-e kou-cha-oe, chong--si in-ui
chong-kau, kau-iok the-che e chok-iong, iau-si u lang chai-iaN i-su. Sou-i
u kho-leng peng-siong-si bo kong "sin-giong", m-koh iau-si chai-iaN toh-si
khau-gi e "sin-iong". Chit-hong-bin, Tai-gi bun-hak-hoa e hoat-tian eng-kai
e u toa-toa e eng-hiong.

--Hong-giau






----- Original Message -----
From: 
Sent: Thursday, March 06, 2003 6:53 PM
Subject: [TGB] 2-e bun-te


> Keng thiaN e bang-lou hiaN-che,
>
> Goa u 2 ji ai chheng-kau tai-ke e khoaN-hoat:
>
> 1) Kitok-kau boksu si-siong ti kang-to tiong iong: Siong-te kap lin
"saN-kap-ti-teh" chit ku. Tan-si ti sia-hoe chin chio iong chit ku oe.
Kin-tai boksu iong: kap lin "tong-chai". Si-m-si gi-gian e chin-hoe?
>
> 2) Cha-hng Loa Hong-ge boksu lai Tiong-eng Tahihak ian-chhiuN. ChhiuN kau
chin hou lang kam-tong. I ian-chhiuN tiong iong: "sin-iong"(faith) bo iong
"sin-giong". Li-iu i kong si: hian-tai Taioan sia-hoe long kong "sin-iong"
lah, chin chio lang kong "sin-giong". I kong hian-tai lang kong "ban-ni"
(ten thousand years), bo teh kong "ban-lian". I na kong "ban-lian" teng-to
lang thiaN bo. Che si-m-si Taigi teh chin hoa kap kai-pian?
>
> M chai bang-lou tiong e hiaN-che e i-kian an-choaN. ChhiaN chi-kau.
>
> Tosia.
>
> Tan Pheksiu, siong.
> Tailam Tiongeng Taihak
>
> * * * * * * * * * * * * * * * * *
> * Li chu-chheh e e-mail khau-cho si: 
> * Beh kia phoe ho' tak-ke tioh iong chit-e khau-cho chiah kia-e-kau.
> * * * * * * * * * * * * * * * * *
>



* * * * * * * * * * * * * * * * *
* Li chu-chheh e e-mail khau-cho si: "Henry H. Tan-Tenn [NEW ADDRESS / SIN KHAU-CHO]" .
* Beh kia phoe ho' tak-ke tioh iong chit-e khau-cho chiah kia-e-kau.
* * * * * * * * * * * * * * * * *