LKK/BP ka goa kai2-tu5 chit-bu e tai-chi, ti chia u chiah che peng-iu teh koan-sim kap care, chin phaiNse, goa kau chit-ma chiah chhut-siaN. (ma inui tai-chi kau 1 e kham-cham--a) 1. LKK/BP u chiau Lo5-ki-hoat siong ki-pun e po-chiong, ti 4/6 hoe7 5 goeh-jit chu-khian-hui hou--goa. 2. goa it-tit kau 4/12 chiah tai-iok-a chai-iaN hong kai2-tu5 chit-bu e li-iu, mkoh msi LKK tang-su-hoe cheng-sek hou--goa e soeh-beng. goa thiaN--tioh kai-tu chit-bu e li-iu long chin bian-kiong, u e chian-au e kong-hoat iah piau-chun bo it-ti, u e kin-pun kap goa bo ti-tai, ma chun-cho si goa cho--e, u e si siu-kai pun-te e kui-chek, thang hu-hap bok-tek, koh, bo sit-che chham-u office su-kang--e, soah jin-teng goa "phaiN phoe-hap" "phaiN kiong-su". au-pai na koh u ki-hoe chhu-li siong-koan e tai-chi, chhiaN seng ka su-sit hut hou beng5, li-iu liat hou chai7. (chhiuN AKS "A-lan" e cheng-gi, ti goa chaiiaN tai-chi chin-cheng lin thiaN--tioh e hoan-tui e chu-tiuN, kam ma sng cho si goa teh su-te-ha un-chok--e?) 3. chit e "teng7-choe7" e koe-teng, goa bo the ka-ti pian-hou kap soeh-beng e ki-hoe, 1/16 LKK tang-su-hoe to u tho-lun,(mkoh goa bo chai-tiuN) kau 3/21 siu tioh thong-ti, 2 goeh-jite si-kan, mbat u tang-su ka goa mng koe siong-koan e tai-chi. chit e koe-teng ma mbat u "chhiau" iah "ko-thong" e ki-hoe. 4. che si 1 tiuN tau-cheng, ("tau-cheng" si tiong-seng3 e mia5-su5) goa ui 11--goeh to u sim-li chun-pi, sui-si theng-hau tu5-mia5 e thong-ti. chit e koe-teng, goa bo chek-kek the ka-ti pian-kai iah hoan2-kek, choe-au, iaN--e msi goa. goa bo oan-than. mkoh 1-koa tai-chi koh in-cheng 1 pai. 5. ui ku-ni kau taN, chhiuN beh ka goa tu-mia e koe-teng, chhiuN AKS chhu-siau "Alan" tit-chiong chu-keh e un-chok….etc, kui na goeh-jit e si-kan--nih, 1-koa sianpai e cho-hoat kap un-chok, goa msi m chai-iaN, u to-li iah bo to-li? u hap-li iah bo hap-li? koh u hiah-e bo hu-hap su-sit e kha-chhng-au-oe, che goa long bo siuN beh ke-kong iah kheng-hun, mkoh chit e koe-teng--nih hiah-e tong-chok, hou goa khoaN kah e khi2-ai3-chhio3. 6. 3/21 siu tioh thong-ti liau-au, pun-te chin bo song-khoai, 3/31 kau-chiap liau-au, chiah-e tai-chi bo-lun u to-li iah bo, tui goa lai kong, to na-chhiuN koe--khi-a, goa bo siuN beh koh tiau ti chiah-e u-khang bo-sun e tai-chi--nih, koh beh chiN3 siaN-mih to-li? siuN m-tat ma liau khui-lat. koe--khi-e, si chin tiong-iau e keng-giam, goa ka-ti e ki ti sim-koaN-te, koh-khah iau-kin--e, msi tiau ti koe-khi, si soa-chiap e kha-pou, si teh chin-heng kap beh chin-heng e tai-chi. 7. chit e koe-teng, khah iau-kin--e, si un-tong, giah un-tong e khanpang, kam si ai eng chhui--nih e sin-liam iau-kiu ka-ti? ti chit khoan "jin5-su7" e tau-cheng chian3 iaN5, kam kiaN e tng-ku? Taioan e un-tong khou-a kam su-iau seng chu-ngou kek-beng? (che si chin iau-kin ma chin u i-gi e kong-kiong gi-te) 8. chit e koe-teng lin na cheng-keng jinui goa mtioh, chhiaN toa-siaN kong hou Tai-gi-bang e chiong hiaN-che liau-kai, ka che koe-teng kong-khai na e tui goa "bo ho", anne tian-to koh-khah ai kong hou ju beng ju ho. 9. leng-goa, ma si 4/12 chiah chai-iaN, ku-ni TLH e tai-chi, u lang loan pang-oe: goa kap TTL ka lang tau5 kong Hong-tin chiah8-chiN5, goa ma thiaN tioh u lang kong goa chiah-chiN & kong peh-chhat, si an-choan e u chit khoan oe teh thoan5? si an-choaN beh an-ne loan oan-oe? si siang teh thoan5 chit chiong oe? goan kam pian-cho si khou-a--nih e oan-siu-lang--a? ~Tekhoa