Babuza i-su, to-sia li-e kai-tap. Goa se-han e si5 sng2--koe e mih-kiaN khiong-kiaN si siuN chio2..a. Sit-chai bo-chhai ma7 bat siau-lian--koe. Kong-tioh sia2 mih-kiaN, goa si khah m-kaN2--lah. M-koh, e7--lah. Goa u leh kut-lat oh8, khoaN ka-ti e TG e khah chiaN-lang--be. Tui3 u7-e5 lang lai kong2 (chhin-chhiuN goa), gi-gian kap ki3-ti5 tiaN-tiaN long si tau3 cho-hoe..e. Gi-gian bo5--khi, ki-ti ma toe3 leh bo5--khi. Che si7 goa chiok toa7 e kan-khou. Chit-khoan hian-siong, gi-gian-hak-ka ah chai u sim-mih khoaN-hoat? Lesoat, "tau3-tah" e i3-su3, Babuza i-su e iong-hoat goa tian-to khah koan3-si3. Tan Siu kong2 e5 hit-e i-su si7 u7--lah, m-koh chai goa li2-kai2, "tau-tah" kin-pun e i-su to7 si7 "u7 hah8", "sio-thin7" ("thin7" khah ki-pun e i-su ma si7 nng-hang tai-chi, mih-kiaN tau3 e7 ho2-se3). Chia..e, goa tu-chiah u peng2 koe Douglas kap Chhoa Poe-hoe e su-tian. Kong tioh TOL e bun-te: Lesoat kong tioh i-sek heng-thai e kang-ku, mui-the kap kau-ioh. Che ma si goa siuN beh kong3..e. Goa chin u kho-leng khah-gong. Khah-cha, Tong-goa un-tong e si-chun, goa bat ka peng-iu kong: thau5-chit8-chan5 ai cho e khang-khoe m-si cheng-ti, si bun-hoa; tau3-chenge te-it tiuN-sou si i-sek heng-thai, m-si koan-lek. Peng-iu e siuN-hoat kap goa bo kang5. I kong: Cheng-ti koan-lek ai pai5 te-it; teh8-tioh koan-lek liau-au, beh cho bun-hoa/ i-sek heng-thai e kai-pian chiah u kho-leng. Goa siuN7, ui3 Tong-goa un-tong kau3 taN, tak-ke leh kiaN e lou7 tai-khai tio7 si7 goa-e peng-iu sou-kong e hit-tiau lou7: seng theh-tioh koan-lek khah iau-kin. Goa m-chai-iaN an-ne tioh8--bouh. Goa kan-ta chai-iaN siong chu2-iau3 e i-sek heng-thai kang-ku, kau-iok kap mui-the, iau m-si ti lan chhiu-thau. Goa kan-ta chai-iaN: chit-tiau lou7 kiaN kah taN lai, lan ki-sit iau boe theh-tioh koan-lek; lan sou-ng-bang e "sin1 cheng3-hu2" ma iau-boe chhut-hian. Goa m-chai-iaN peng-iu e siuN-hoat tioh8--bouh. M-koh chit-tiau lou7 i-keng kiaN kah chia lai..a. Goa khoh-leng chiaN-sit chiok gong..e: goa teh siuN7, lan bo tiaN-tioh tioh8 ai3 an-ne koh kiaN--loh-khi, it-tit kau3 lan chiaN-kang theh-tioh koan-lek, chou-seng chin-chiaN siok-i lan e cheng-hu. Ti bun-hoa e chian-tiuN, lan chit-ji7-chap8-kui2-tang lai kam2 long bo5 leh cho3 khang-khoe? U7. Cho liau u seng-kong--bouh? Bo5. Leng-goa chit8-e bun-te: Tong-goa un-tong e si-tai, u "the-che-lai" kap "the-che-goa" e cheng-lun. Goa hit-chun si chu-tiuN "the-che-goa" lou-soaN. M-koh, lou7 to m-si an-ne leh kiaN5. Lan-e kok-ka kin-pun to si hun-liat..e. A-hui..a soan-tek "bin-chu" chit-tiau lou, ka7 goa-lai cheng-koan "pun-thou-hoa" e-tang kong si7 sit-pai..a. M-koh bin-chu e lou ma si7 ai3 kiaN--loh-khi, ng-bang keng-koe bin-chu e theng-su, e-tang kai-koat jin-tong hun-liat e bun-te. Chia..e, lan kan-ta e-tang koh jim-nai--loh-khi, ke-siok phah-piaN. Che, u-tang-si-a chun-tu-ho tiam-tiam-a khi cho, geng5-sim khi cho, ui3 chhau-kin khi he7 khui-lat. Lan thui-sak bo-gi to si chit-khoan khang-khoe. Kam m-si--leh? Chit-tiuN phio beh an-choaN tng--loh-khi? Goa m-chai-iaN--neh. Bo5 an-ne tng--loh-khi beh an-choaN? Cheng u tau-phio-koan i-lai, 26-tang..a, goa chit-tiuN phio to7 si7 an-ne it-tit tng--loh-khi. Goa m-kaN bo khi3 tng3, kiaN in-e phio pi2 lan khah-che7. Goa chin u kho-leng chiok gong..e. Lip-bun

----- Original Message ----- From: Cc: [](https://web.archive.org/web/20050520000702/mailto: "") Sent: Tuesday, October 23, 2001 8:18 PM Subject: Re: [TGB] DPP choantaihoe & æçå好
Bubuza:

Lip-bun hiann, Goa khai-si teh hoai-gi TOL e teng-gi. "Be-hiau cho ka-ki e chu-lang e lang!" U tau3tah4 bo?
[LLS] "tau-tah" iong ti chia goa khoaN bo. Tan Siu toa-su-tian e kai-soeh si "chhiong-hun hap-chok", kiam-chhai li si pat-chiong iong-hoat, si siaN leh? Hap-li2? U-tang-sia-a goa u 1-chiong "tho-iah TOL" e cheng-su. Na beh khah jin-chin kong to-si 228 e si bo hou KMT thai-si--e, bo chau khi hai-goa--e, koh keng-koe beh 50 tang e tok-chhai thong-ti, peh-sek khiong-pou… "ui-tioh seng-chun", jin-chin phah-piaN tu-liau than chiN iau-koh si than-chiN--e, "siang2 cho chong-thong long kang-khoan, to-1-tong chip-cheng long kang-khoan, TK-lang / TO-lang kan-taN si chhap cheng-ti e lang teh hun e mia-su nia…" To-si chit-chiong--e chiam chin toa-to-sou--e toa ti chit-te thou-te e lang. Koh kong to si "kau-iok" kap "mui-the" chit 2 toa "se-lek"--ah. Kam-m-si khah lok-koan e lang long kong kai-kek su-iau 50-tang? Kau-iok e seng-ko tioh khoaN e7 e7-1-te7 ? Limng tak-e: lan tau-te teh chhong siaN? Teh sia lek-su, teh cho gi-gian kai-kek, teh hoaN-hi iong ka-ki e oe ki-lok cho bun-ji, kap u kang-sim e lang cho chiaN-bin e kou-thong ah! … Na mai khi siuN TO e bi-lai, mai khi siuN TG e bi-lai, mai hiah koan-sim "hian7-chong7" to ho--ah, to bian siuN kam-khai--a lah. Tak-e mai khi-hiam goa kong sit-chai e siau2-oe7. Beh me goa chin-liong bo-iau-kin. Lesoat Lou-chu ang-a chiu-si sok4-ka1 cho e ang-a. Phou-thong long iong thiu1..e. Li hou thau-ke 1 kak-gin, i chiu hou li thiu 1 ki pai5a2. Tui 1 ho pai kau 200 ho(?). phou-thong thiu--tioh e si 1 sian1. Na-si 2 ho..e kap 19 ho..e(?) sng 10 sian. Na-si thiu-tioh 10 ho..e, piak--ah! Sng 250 sian! Poah phe1si5 chiu-si poker. Si an-choann ho-cho phe-si, goa m-chai. "Phe" e lai-goan eng-kai si pair. "5-a2 1 phe" chiu-si u 2-ki 5 e pai. 3-ki kio sam1tiau5; 4-ki, su3mui5. Ka niau-chhi-a boe si chin..e! Goan toa e chhu iong me5ni2a2pang1(chiu-si kam-chia-phoh cho e pang-a) cho piah, keh-keng. U chin che khang-phang5. Niau-chhi long ti hia chau-lai chau-khi. U si e ka boe-liu tin chhut-lai lan khoann e tioh e sou-chai. Goa chiu giah ka-to khi ka7 ka1 boe-liu! M-chiah goa tau e niau-chhi goa long e jin--tit: Bo boe-liu! Pai-thok li ma sia hoe-ek hou goa thak. Babuza

-----Original Message ----- From: Levin Sent: Monday, October 22, 2001 12:57 AM Subject: Re: [TGB] DPP choantaihoe & æçå好
Babuza i-su, Li chit-ku "kiam chin-chiaN u Tai-oan-lang chit-khoan lang chun-chai ti Te-kiu", hai goa koh thau-khak mouh leh sio. Tan2 siuN7 u chiah koh ka7 li chheng-kau. Tu2 khi Frankfurt chiaN-10-kang, tng2--lai liau-au kang-khoan bo-eng chhih-chhah, liah8-tioh khang-phang tio7 khah-kin chit-ki5 e Bong-po kap Taioanji sa leh thak. Thak "æçå好", koh tu2-tioh m-bat e mih-kiaN..a,chun-tu-ho koh ka li kiau-chha: "sng2 lou3-chu2 ang1-a2" kap "poah8 phe2-si5" si7 sim-mih? "ka niau-chhi-a boe-liu" kam2 chiaN-kang si7 theh ka-to ka7 niau-chhi-a e boe ka1 tng7? Thak li-e bun-chiuN, goa tiaN-tiaN e thak kah gong-sin, ma ng-bang goa kap gi-gian tang-che sit-loh e ki3-ti5 e-tang koh khioh--tng-lai. To-sia. Lip-bun

----- Original Message ----- From: Hokkchu Sent: Saturday, October 20, 2001 11:43 PM Subject: Re: [TGB] DPP choantaihoe
Tai-ke CTT! SAKAI lai Tann-kau, toa ti goa chin-sou. Khoann i sia chit-tiunn phe, goa chin kan-khou! Tai-oan sia-hoe na-e chiah-nih-a koai3-ki5? Chi-na-lang thong-ti e si, Tai-oan e chu-khoan chin an-choan. Tai-oan-oe e i-sek chin chheng-chho! Tai-oan lang ka-ki koan-li ka-ki e si, Tai-oan e chu-koan soa u gui5ki1. Tai-oan-oe e i-sek soa chiam-chiam bo--khi! Che si sim-mih to-li? KIam kong lan tioh-ai koh khi pai-thok pat-lang lai ke-siok ka lan thong-ti??? Tai-oan lang kiam chin-chiann chiah kha1sau1? chiah soe1siau5? A-si kong kiam chin-chiann u TAI-OAN-LANG chit-khoan lang chun-chai ti te-kiu? TGB e a-che kap a-hiann, lan tau-te si teh chhong-siann? Kin-ni e soan-ki lan chit-phio beh an-choann tng--loh--khi? Pai-thok tai-ke ho-ho-a siunn khoann mai. Babuza

----- Original Message ----- From: Hokkchu Sent: Saturday, October 20, 2001 8:44 PM Subject: [TGB] DPP choantaihoe
cheng to-iu: goa si SAKAI, kin-a-jit ui-tioh beh khi chhia-hong Bin-chin-tong e choan-kok tonag-oan tai-piau tai-hoe, lang ti TaN-kau, chit-ma toa Hokchu i-su in chin-sou, sou-i chioh-iong Honkchu hiaN in email, siuN-beh ka tak-ke po-ko DPP tai-hoe su-iong gi-gian e bun-te. DPP te 9 kai te 2 chhu choan-tai-hoe, ti 10 goeh 20 e-pou 2 tiam kau 6 tiam ti TaN-kau Cheng-hoa png-tiam khui-hoe. Chit-pai e hoe-gi m-chai si an-choaN, Hoa-gi ui chu. He ma m-si kong chip-cheng i-au Hoa-gi lu lai lu che. M-si anne. In-ui ku-ni 7goeh kap kin-ni 6 goeh e choan-tai-hoe (long-si ti Tai-pak-chhi khui e) e si-chun, Ho-lo-oe ui chu. Chit-pai ti TaN-kau khui e si-chun tian-to Hoa-gi khah che, si chin hong-chhi e tai-chi ne! Kui-pin ti-su e si-chun, Chia tiong-teng kanna khai-si kong Ho-lo-oe i-goa chhun e long kong Hoa-gi, A-piN-a ma si long kong Hoa-gi. TiuN chun-hiong ma kong Hoa-gi khah che. Chong-si, Lu siu-lian kong Ho-lo-oe khah che. Tho-lun gi-an e si-chun, ma-si kong Hoa-gi e lang khah che. M-ku an phai-e e hun-pian lai khoaN, khah -cha kiong-liat chu-tiuN pi-ap-pek e Tai-oan-lang it-teng ai kong bu-gi (Khu la-pa ti 1980 ni-tai ti Sin-tiau-liu chap-chi sousia e) e Sin-tiau-liu e lang long kong Hoa-gi, tian-to si khah-cha tui thong-tok bun-te e lip-tiuN khah "un-ho" e Cheng-gi lian-soaN kong Ho-lo-oe ui-chu e. HLO ui-chu: Tiun hiok-seng(Cheng-gi), Ko chi-pheng(Cheng-gi), Khou thiam-chai(chhin Cheng-gi), Iau ka-bun(Hok-li-kok) Hoa-gi ui-chu: Ang ki-chhiong(Sin-tiau-liu), Lim lo-chui(Sin-tiau-liu), Toh eng-thai (Hok-li-kok). Anne hou tak-ke chham-kho.

< æ¯å¤©é½ Yahoo!å¥æ© > www.yahoo.com.tw
---