Kok-ui soaN-teng e peng-iu,

Tan boksu sou kong koan-he Lim Gi-hiong tui lan e bogi --- Taioan-oe e
thai-tou tat-tit tak-ke giam-siok lai tho-lun.
Goa m-na chin kam-khai, ma chin sit-bong.

Na e an-ne?
Tng-ki kap KBT chhia-piaN e hoan-tui jin-but keng-jian tui gi-gian kap
cheng-ti e koan-he e jim-sek chiah-nih-a chhian2-poh8.

I e oe na-chhiuN chit-ma e hoan-tui-tong hia e Tiongkok-pai kong e: gi-gian
si kou-thong e kang-khu nia-nia, bo su-iau kap cheng-ti ka cho hoe. Hou
Engkok thong-ti kui-na-pah-tang e Ireland-lang, in kap Engkok chhia-piaN
kian-kok e koe-theng tiong, kam u lang kaN kong chhiuN chit khoan lou-le
sim-thai, bo ti-hui e oe?

SiuN khi hit tong-si, jiat-cheng ka-jip Kian-kok-tong e chu-iau goan-in
to-si na-chhiuN lang an-en kong: ngia5 ma-chou ngia5 kui-poaN-pou, m-chai
tang-si-a, ma-chou soa3 phang--kian-khi?

1-e bo Taioan leng-hun e cheng-khoan, kam tat-tit lan ka ke-siok chi-chhi?

Hek-4 khou-heng un-tong lai Tai-tiong 2-pai, goa ma long u khi chham-ka.
Chham-ka e lang, pau-khoat Lim Gi-hiong, ma long-chong kong Taigi.Si
an-choaN lan bo kak-chhat tioh i chit-khoan bo Taioan i-sek e thai-tou.

Taioan-lang kam kong koh goan-i cho lou-le, be-hiau tui-kiu ka-ti e
chun-giam, hoan-chheN ka-ti e leng-hun?
Be-hiau kong Taioan-oe e lang, choat-tui m-si Taioan-lang. By the same
token, be-hiau kong Jitpun-oe e lang, li kam seng-jim i si Jitpun-lang?

Goa chin bo-ai koh kong chit-ku kong kah giong beh chhau-sng khi e oe: Lan
ai kiaN e lou iau chiaN hng/tng.
M-kam-goan lah!!!!!!!!!!!!!!!!

ChhiaN chi-kau.

Lim Chheng Siang

----- Original Message -----
From: 
To: 
Cc: 
Sent: Tuesday, June 10, 2003 6:21 PM
Subject: [TGB] Lim Gihiong e koan-tiam


> Liat-ui hiaNche,
>
> Kim-chai-khi goa khi Tailam-sin-hak-iN thiaN Lim Gi-hiong sian-siN
ian-kang 2 tiuN5. Tailam-sin-hakiN beh pan hou Lim sian-siN chit e
"Jin-bun-hak Eng-u Phok-su" e hak-ui.
>
> Lng tiuN e ian-kang liau-au, u mng bun-te kap tho-lun e si-kan. Goa tui i
the-khi e bun-te si an-ne:
>
> "Lim sian-siN, li e hoan-hek khou-heng un-tong si chit chiong chhau-kin
un-tong. Si beh chhoe lan e kin, thiaN3 lan e thou-te. Li e ian-kang tiong
put-toan ka7 chhau-kin khng kap "hoan-khong" cho-hoe. Piau-si chhau-kin e
hoan-hek un-tong si chit chiong hoan-khong un-tong.
>
> Chit kui ni lai e hoan-khong un-tong lai bin, chin chio lang the khi
gi-gian e hoan-khong un-tong. Chhoe Taigi ma si teh chhoe lan e kin. Chin
che hai-goa e Taioanlang tng lai chham-ka gi-gian kau-iok, ma chiu-si teh
chhoe lan e kin. Gi-gian si lan e kin.
>
> Tui lip-hoat-iN khui-hoe khai-si, it ti3 kau tian-si muiN-the e gin-na
cartoon iaN-phiN, it ti kau hak-hau kau-iok, oan-choan long hu-si bu-gi e
bun-te.
>
> Chit e bun-te tat-tit lan tiat-piat chu3-i lai hoan-khong. Bu-gi si lan
Taioanlang kian-kok un-tong chin tiong-iau e tai-chi. Na bo Taioan-oe, chiu
bo Taioan-lang lah. Bo Taioanlang chiu bo hoat-to kianlip Taioan e kok-ka.
>
> In-ui li ti ian-kang tiong long bo kong khi gi-gian e bun-te, m-chai
e-tang chhiaN li kong tui goa kong e oe e li e khoaN-hoat?"
>
> Lim Gi-hiong sian-siN e hoe-tap ju5-ha:
>
> "Goa tui khi-thau chiu bo jim-ui Taigi kap Taioanlang kian-kok u sim-mih
koan-he. Ji-chhiaN lan kong che kio cho "Taigi" ma m tioh. Lan e Taigi
pau-koa Binlam-gi, Khe-gi, Pak-kiaN oe teng teng. Sou-i lan tioh kio i cho
"Ban-lam-gi" chiah tioh. Goa e gin-na long kong "kok-gi" "eng-gi".
E7-thong chiu ho. Goa iong Taigi ian-kang chi-si in-ui goa e kok-gi boe
lian-tng. Hak-seng iong PakkiaN-oe kok-gi kong-oe si put-tek-i2 e tai-chi.
Gi-gian m-bian ka i cheng-ti-hoa3. Gi-gian kap cheng-ti bo koan-he.
Chhin-chhiuN goa koat-sim chou kho2-heng5 e chhau-kin un-tong, si goa e
soan-tek. Goa toh si bo ai cho-koaN lah! M-bian koh chha2 goa lah.
Chhin-chhiuN u kui-ui e bok-su khi chham-ka keng-soan, khi chham-ka
cheng-ti. Che sit-chai m tioh. Li na beh cho boksu, tioh an-sim khi chou
bok-su. M-thang khi kap lang chham-ka keng-soan, chham-ka cheng-ti. Li
m-bian ka goa kong gi-gian kap i-sek-heng-thai u sim-mih koan-he. Li m-bian
kong gi-gian kap lip-hoat-iN u sim-mih koan-h!
> e lah. Bo hiah giam-tiong."
>
> (Goa siuN Lim sian-siN it-ti ai kiong-tiau e si: gigian si gigian,
cheng-ti si cheng-ti e i-su. Lim sian-siN iau u kong ki-thaN chin-che,
tan-si goa chit-si5 siuN boe chhut lai. I-siong chi u ti goa in-siong tiong
lau-loh--lai e pou-hun. Lenggoa ma si ti goa e in-siong lai e tai-chi: Goa
ti Hawaii chou boksu 3 tang. Lim sian-siN e cha-bo-kiaN Hoan-kun si goa e
hoe-iu. I peng-si chi-u kong Tiongkok-oe hek Enggi. I kong i tui se-han
khai-si, ti chhu-ni, in pe-bu long ka3 i kong kok-gi. Leng-goa i e bi-kok
sian-siN Joe si siok bikok chit e chi-phai e kau-hoe e oan-cho lai Taioan
thoan-to. Hit e chi-phai e choan-miaN goa boe-kit-ti lah, tansi in-siong
chin chhim, si siok chit e kio-cho "China Mission" e chhe-hoe. Goa u kio
Joe khi ok8 Taigi chiah e-tang ka3 Taioanlang thoan to-li. Tan-si i long si
ok8 "kok-gi".)
>
> Hou tai-ke bon chham-kho.
>
> Tan Pheksiu.
> * * * * * * * * * * * * * * * * *
> * Li chu-chheh e e-mail khau-cho si: 
> * Beh kia phoe ho' tak-ke tioh iong chit-e khau-cho chiah kia-e-kau.
> * * * * * * * * * * * * * * * * *
>
>


* * * * * * * * * * * * * * * * *
* Li chu-chheh e e-mail khau-cho si: "Lim Chheng Siang" .
* Beh kia phoe ho' tak-ke tioh iong chit-e khau-cho chiah kia-e-kau.
* * * * * * * * * * * * * * * * *