"TADA Kei" hou taigu-bang e phoe:

Lim Sin-kian bok-su,

Li "koh oah", sit-chai si 1-e chin ho e kian-cheng. Goan kau-hoe u 1-e
peng-iu, i tiong-hong 3-pai, sui-jian i 1-ki kha bo saN chu-iu, tan-si
i ma
hou lan u iong-khi. I long kong "to 1-pai bo iau-kin, goa tioh to
3-pai koh
khi-lai a."

> Tng-si5 si7 u7 leng7-goa7 chit8 hun7 tiong-bun 5 Eng5-kong
goeh8-khan.
> Kam2-sia7 tai7-ke tai7-to2. Goa2 i2-au7 chiong goa2 e5 kou-su7 kong2
> hou7 lin2 thiaN.

To-sia. An-ne, Eng-kong goeh-khan chiah si Tiong-bun. Kau-hoe Kong-po
ki-pun-siong si iong POJ. Chiok li sin-the kian-khong, sia-chok
sun-su,
ki-thai cha-jit khoaN-tioh li e kou-su.

Goa u leng-goa siu-tioh TiuN kau-siu (4/3, 9) kap Liau Lesoat(4/7) che
e email.
Chin to-sia!!! Lesoat che hou goa e chu-liau, chhiaN khoaN chit-tiuN
email
siong au-piah.

Goa 4/4 kap 4/11 ti hun-lian Jit-gi lau-su e pou-sip-pan kai-siau
Taioan e
gu-gian cheng-heng. Si soan-siu-kho, u 30 e hak-seng.

Tai-seng kai-siau "4-e chok-kun" jin-khau pi-lut, chok-kun e teng-gi
(goa
kong e m-si chin-chiaN e teng-gi, si goa sou liau-kai e loe-iong),
gu-gian
bo sio-siang e sou-chai, sun-soa ma kai-siau Difang siansiN chhiuN e
"Lim
chiu koa", "San-koa"(Kheh-lang koa-iau), "Liu-long kau Tam-chui",
"Ho jit kun chai lai"... (Kheh-oe koa, goa bo siuN-tioh ki-thaN kam u
tai-
piau-seng e, beh chheng-kau tak-ke.)

Lek-su si tui Phu-to-nga "hoat-kian" Bi-le-to kong-khi, keng-koe
Ho-lan
si-tai (u Siraya oe e sengkeng kap hoan-a-khe), kong-tioh Se-pan-nga u
ki-lok -tioh "Tam-chui-oe". Liau-au TeN si cheng-koan chhoa chiok che
i-bin jip-lai. Chheng-tiau, Jitpun (Chi-san-ngan su-kiaN, Bu-sia
su-kiaN),
Kok-bin-cheng-hu (228 su-kiaN) kau chong-thong tit-soan, A-piN-a tong
-soan ui-chi.

Gu-gian hong-bin, 1985 Taioan te 1 hun po-choa KHKP iong POJ hoat
-heng, Jitpun si-tai e Jitgu thui-heng i-goa 1934 ni cheng-hu,
gun-hang, hoe
-sia e gu-gian khi hou chong-tok-hu han-che be-sai iong Taioan oe.
1937 ni (Jitpun kap Tiongkok koh khai-si phah-chian hit-ni) kim-chi
po-choa
sia Han-bun, be hiang kong Kok-gi (Jit-gi) e lang tioh ka i hoat chiN.
Ham Bi
-kok, Eng-kok kau-chian e si, kim-chi po-choa (pau-koat: KHKP, Taioan
Sinbinpo), kong si "choa bo kau iong". Tiong-kan POJ e chheh iau-u
siau-soat
, hou-su e kho-pun..., Chhoa Phoe-hoe in hoat-heng e "Taioan
Chhenglian"
chap-chi ma si iong POJ cho Eng-bun mia. In beh thui-kong POJ, kiat-ko
Chong-tok-hu bo hou in siong-kho.

Tiong-hoa Bin-kok chap-siu Taioan liau-au, '46 kim-chi po-choa /
chheh iong
Jit-gu sia. '47 Kim-chi Jit-gu. 1956 Kong Kok-gu un-tong khai-si, '65
khai-si
hoat chiN. 1960-70 ni tai, KHKP khi hou kiong-pek hong-khi POJ, "Hong
-gian" e seng-keng khi hou boh-siu. 1975 Kong-tian-hoat han-che
Tian-tai iong
"Hong-gian" kau 1993 ni. I-au ku se-lek kai-iong siau-kek e hong-sek
lai hoan
-khong, tioh si bo seng-jin Taioan pun-lai sou-u e bun-ji, koe-khi
cheng-hu su
-sit-siong ka kim-chi/ boh-siu e bun-ji, an-ne tioh teng iau-chhiaN
hak-chia lai
che-teng sin e piau-im bun-ji. Sui-jian u chit-khoan e hoan-khong,
tan-si 1990
ni tai i-lai, bo-gi kau-iok chiam-chiam khai-si, chit-ma piN-cho
choan-kok-seng.
I-keng u Goan-chu-bin, Holo, Kheh-lang e su-chu jin-cheng kho-chhi.

Sun-soa kai-siau Thong-iong Pheng-im (It-sek) e bun-toe. Pi-kau Holo,
Kheh,
Pak-kiaN oe e im-un he-thong (table of phonemes), kap Chu-im hu-ho,
kap
KK im-piau. The-khi -tioh "Kok-gu" tok-chun e gu-gian kau-iok hai
Taioan lang
e gu-gian sek-eng leng-lek (tioh si kong tek-piat si Jit-gu iu-siaN im
"b, dz, g" e
hoat-im. ma si hai Taioan siau-lian lang ka "goa" liam-cho "oa", "e"
liam-cho "ei").
Kio in beh cho Jit-gu lau-su e lang ho-ho-a liau-kai pun-te-oe, an-ne
lai ka Jit-gu,
khah u hau.

TADA Kei

P.S. I-ha si Lesoat che te-kiong e chu-liau:

> 2. Goan chia u siu-chip-tioh KHKP POJ-pan2 e siong-boe 1-ki : 1969
3-goeh.
> te7 1049. 1050 ho7 hap8-khan. (an 1962.01 khai-si poaN-kou-goeh to
chhut
> 1-ki, hong-bin kap hong-te ma khai-si chhai-sek in-soat ), 1051 ho7
koe3 to
> long oan-choan Tiongbun.
> 1942.4~ 1945.11 in-ui chian-cheng e koan-he, u pi-pek
theng-khan.
> 1943.12.01 chiah koh u Pak-pou Tai7-hoe7 e Taioan Kitok
Kau-hoe-po
> hoat-heng. Kho-sioh goan iau bo chhoe--tioh cheng-sek hok-khan
hit-ki, soah
> ma bo chheng-chho cheng-khak e hok-khan e ki5-sou3.
> PhaiN-se, si-kan e koan-he, bok-cheng goan iau bo cheng-li
chian3-au7 e
> KHKP e bok-liok, ma iau bo khai si-kan khi ke liau-kai lai-iong.
Koh chit-koa
> chu-liau hou li chham-kho:
> a. Ti 1969.01 e "Phian-chip8 hou7-ki3" u an-ne sia: pun-po
tu-tioh hoat-sang
> e khun-lan; chit-ki chiong siong-ha nng-ki hap-khan, li-iong
Chong-hoe e si pun
> hou kok gi-oan toa to-khi, chhiaN liong-kai.
> b. 1969, POJ--e chhut 3-pun 6-ki, 3-pun e iah-sou si 34, 34, 32.
> c. Ti chit-3-pun, kong2-ko3, khe2-su7, phiau-te u khan-siap tioh
lang-mia,
> kau-hoe mia-chheng--e, long iong TB chhu-li. Kau-hoe mia-chheng iau
u POJ.
> 2-goeh-hun e "sin-jim7 chong2-hoe7 kok ki-koan tan-ui7 ui2-oan" e
chu-liau
> choan-pou si TB. (In-siong-tiong, u 1-ki khan Hoat-kui
che3-teng7--e, ma
> choan-pou si TB.) U-e tiong-hoe7 e siau-sit ma e iong TB chhu-li,
ti kang-1-ki
> lai-te. M-chai si hit-e tiong-hoe kaki e i-su, ah-si phian-chia
tiau-kou-i an-pai--e?
> Mui 1-pun TB chiam e pi-le cheng-heng bo-kang. M-koh, iau e-sai
kong si
> chiam 90% i-siong.
> Ma ka chit-e mail hou TG-bang e peng-iu chham-kho. Hoan-geng u
si-kan lai
> Seng-tai Tai-bun-sou "chham-koan" goan siu-chip e chu-liau.