Re: Siok-hui e Tai-gi ka-kau

2003-07-09

Siok-hui che, kap Tak-ke , peng-an. Goa chin hoaN-hi li pi goa koh khah phah-piaN, (na si kan-na goa leh bu2, tai-chi to chin bo i-su.) Goa kin-a-jit khi gun cha-bou-kiaN e iu-ti-hng, in e lau-su long chai goa si kong Tai-gi e , sou-i , long e iong Tai-gi kap goa kong-oe, kio gun cha-bou-kiaN kong-oe ma e chin-liong iong Tai-gi, koh kio i ai iong Tai-gi ka goa kong "Sun-kiaN"(Bye-bye) , kiat-ko, gun Chheng-chheng tian-to phai-se, soah kong ka chin se siaN. Iu-ti-hng e Hng-tiuN koh ka goa kong , goa boe-sai kong Hoa-gi , kong goa ai kong Tai-gi. Chin ho, u kian-chhi e lang, lang to e chun-tiong li, phoe-hak li, oh li. Hongtin

** _Flora _** wrote:

Hong-tin che kap kok-ui hiaN-che, peng-an. Hong-tin che e kau-iok hong-sek hou lang chin kam-tong! Goa e toa-han cha-bou-kiaN kin-ni ma tit-beh jip sio-hak a, ti chia goa ma lai hun-hiong goa ka cha-bou-kiaN e 1-koa keng-giam. ** In-ui goan toa ti Sin-tek e Koan-tong-kio(éæ±æ©), chit-e sou-chai e chai-te-lang si Kheh-lang, tan-si in chin chio ka gin-a Kheh-gu. Ma u chin che in-ui ti "Kho-hak hng-khu" siong-pan chiah poaN-lai chia e goa-te-lang si ho-lo-lang. Che si chit-e chin ho e ki-hoe e-tang hou gin-a hak-sip bo-kang e bun-hoa kap gu-gian. Tan-si iu-ti-hng kan-na tiong-si Eng-gu. Goan cho pe-bo--e tu-liau ti chhu-nih long kong Tai-gu i-goa, goa ma chu-tong khi i e iu-ti-hng hiong hng-tiuN, lau-su kau-thong "Bo-gu kau-iok" e koan-liam. **Lan e gin-a ti in sou pan e iu-ti-hng siu kau-iok, lan u khoan-li ma u gi-bu khi chham-u. Goa chu-tong the-kiong goa sou pian e kau-chai kap kau-ku (sui-jian goa m-si iu3-kau3 e lau-su, tan-si goa bat ti kau-hoe ka "iu3-ji5 Tai-gu-pan" ), ma the-kiong ho-tiaN ho-khoaN e Kheh-gu kap Tai-gu e lok-iaN-toa, CD,……teng-teng, hou in e-tang ti gin-a chiah-png a-si chhit-tho e si-kan pang hou! gin-a him-siong. Iu-ti-hng e lau-su long chin hoaN-hi, sui-jian in siong-kho e gu-gian iah-si Hoa-gu kap Eng-gu, tan-si in chiam-chiam e chham koa Kheh-gu kap Tai-gu. Lau-su na siuN beh ka gin-a Tai-gu e si long e kio goa e cha-bou-kiaN cho hoan-ek, sou-i i kam-kak chin kong-eng. I ma tui lau-su hia oh be-chio Kheh-gu a. é¿æ·(é³æ°¸æ·) e Kheh-gu-koa i tak-tiau to e-hiau chhiuN. Tak-ni e hioh-joah goa long sang i tng-khi Tai-lam goa e au-thau-chhu toa 1.2-ko-goeh, 1-hong-bin si chhit-tho, leng-goa 1-hong-bin si "chiap-siu Tai-gu tek-piat hun-lian(æ¥åå°èªç¹è¨)". Sui-jian che si kong-sng-chhio e kong-hoat, m-koh i ti oan-choan Tai-gu e khoan-keng tiong seng-oah 1-toaN si-kan liau-au, hau-ko si chin toa e. Bo chhin-chhiuN ti Sin-tek e si, ke-kiam e7 siu hak-hau Hoa-gu e eng-hiong. Goa e te-2 cha-bou-kiaN chit-ma 8-ko-goeh, goa u chhiaN 1-e ni-bo pang goa kou poaN-pou. Ni-bo si Kheh-lang, goa ma sang i chin che Kheh-gu e CD, ma pai-thok i chhoa goan kiaN e si ai kong Kheh-gu m-thang kong Hoa-gu. Goa siong-sin goa e 2-e cha-bou-kiaN in cheng se-han to ti chit-e bun-hoa to-goan e khoan-keng tiong toa-han, in e keng-ka jin-bat Tai-oan e sui. Goa ma hi-bang goa e-tang tui chhu-piN, tui kau-hoe, tui seng-khu piN e lang…… u 1-koa sio-sio e eng-hiong. Goa chiap-chhiok koe chin-che lang, in u sim tan-si m-chai-iaN beh an-choaN cho. Goa siong-sin chi-iau lan goan-i u koan-hoai kap chham-u e heng-tong, chin che tai-chi e tit-tioh kai-pian. Kap tak-e hun-hiong! Siok-hui keng-siong

Teng Hongtin ~~Taioan Kok Tai-tiong