On Fri, 21 Jan 2005 17:28:42 +0800, wrote: > Beh phah ū tiāu-hō ê POJ ū 2-chióng hong-sek: > 1)Iōng TP phah POJ(TP POJ), ē-tàng iōng IE6 khòaⁿ-tha̍k. > 2)Iōng Keyman phah POJ(Keyman POJ), bē-tàng iōng IE6 khòaⁿ-tha̍k. > Kiám-sī án-ne? ==============

Cheng-heng sio-khoa-a hok-chap.  

Ti IE6 iong TP e7 chhut bun-te.  Che kui-na-ni-cheng lan to chai ah. 
Un-gian u hoat-kian 1 pou e-tang pou chit e phang.  M-koh kai-seng
kan-na ti Big5 e khoan-keng u-hau.  Ti Unicode (UTF-8) e khoan-keng,
bok-cheng goa ia-si bo-hoat-tou iong TP.

Keyman (kap Mac e OpenVanilla) su-chhut e POJ ti sou-u e Unicode
khoan-keng long e-iong-tit.  Sou-u khah sin e liu-lam-khi (browser)
long u chi-oan (support) Unicode, chhin-chhiuN Netscape 7, Mozilla 1,
Opera, Safari (Mac), IE6.  Iong chia e liu-lam-khi khi khoaN chi-oan
Unicode e bang-cham to u-hoat-tou khoaN-tioh POJ (m-bian leng-goa chng
Taiwanese Serif chit khoan POJ tek-su e ji-heng).

Ki 2-e le7.  E-kha e cham7 long-si Au-Bi jin-su siat-ke--e; in
oan-choan m-bat POJ, tai-khai m-bat thiaN-koe u "POJ" chit e mih-kiaN,
tong-jian ma bo tek-piat ui POJ hok-bu.  M-koh in e bang-cham chi-oan
Unicode, sou-i Keyman su-chhut e Unicode POJ tiam hia e-tang hian-si
chhut-lai (u chng bo chng TP long bo chha, in-ui ham TP bo ti-tai):

[http://del.icio.us/a_giau/T%C3%A2i-g%C3%AD-b%C3%BBn](<https://web.archive.org/web/20051027235951/http://del.icio.us/a_giau/T%C3%A2i-g%C3%AD-b%C3%BBn>) ("Tai-gi-bun" u tiau7-hu5)
[http://flickr.com/photos/61354240@N00/2602124/](<https://web.archive.org/web/20051027235951/http://flickr.com/photos/61354240@N00/2602124/>) ("Am-si-sai-chhia")

Chit khoan sin-heng bang-cham na lai na che -- che si chhu1-se3.

Koan-kian bun-te #1:  na-chun hiah ho-iong, choaN-iuN iong IE khoaN,
u-si be cheng-siong?

U 1~2-e-a POJ hu-ho iong IE khoaN e si-chun, e piN-cho "si-kak-keh-a".
 Iong thau-cheng ki-thaN e liu-lam-khi khoaN, to long cheng-siong. 
"Si-kak-keh-a" piau-si bang-iah iau-kiu e ji-heng bo hit e hu-ho. 
Ji-heng bo hu-ho bo piau-si Unicode bo an-pai, chi-put-ko si siat-ke
ji-heng e lang (kong-si) bo khek hit e hu-ho.

Koan-kian bun-te #2:  Ki-jian ji-heng bo hiah-e hu-ho, choaN-iuN IE
i-goa e liu-lam-khi u-hoat-tou cheng-siong hian-si chhut-lai?

Mozilla, Opera, khah sin e Netscape (teng-teng) khah khiau2:  in
kian-na hoat-hian bang-iah beh tih e ji-heng bo lan su-iau e hu-ho, in
e khi pat-e ji-heng chioh hu-ho tng-lai tau3.  Che piau-si iong-chia e
chok-giap he-thong (OS) lai-bin tiaN-tioh ai u pat-e ji-heng u hiah-e
hu-ho.  Na-si tu-tu bo poaN-e ji-heng u hiah-e hu-ho, ma si ham IE
sio-siang:  kou-put-chiong hian-si si-kak-keh-a chhut-lai.

In-ui IE khah han-ban (ji-chhiaN bo an-choan), gun chia e POJ bang-lou
su-iong-chia long kian-gi iong-chia an-chng pat-tho liu-lam-khi khoaN
bang-cham.  Gun jin-ui che 99% u ho, bo bai.

Lan au-pai pan POJ gian-tho-hoe (ah-si ki-thaN e hoe7), eng-kai an-pai
si-kan ho-ho-a kai-seh i-siong e cheng-heng.  Sio-khoa-a hok-chap,
m-koh m-si lan bo-hoat-tou kai-koat e bun-te.

Choe-kin u mui-the po-to cheng-hu ke-ek khai kui-na-EK e toa-chiN cho
"Tai-oan Toa Pah-kho-choan-su", in-khi POJ e bang-lou su-iong-chia
gi-lun:

#
若是文建會開錢做一套好用的通用碼 [Unicode] 白話字字型，m知有外好。
pektiong ti 05n 01g 18, 12t 40h 發表

#
一套一百萬，十套 mā chiah 千萬 nia。
a-giau ti 05n 01g 18, 10t 45h 發表

Sio pou-chhiong--1-e:  i-su kong, lan su-iau 1 he-liat e Unicode
ji-heng, ah chiah-e ji-heng tiaN-tioh pau-koat POJ su-iau iong--tioh e
hu-ho, ia-to-si kong, lan su-iau khah chiau-chng e Unicode ji-heng. 
Unicode pun-sin i-keng u hah POJ e su-iau, tan-tan ji-heng e kha-pou
iau toe be tioh.  Lan chi-iau ka POJ e Unicode ji-heng
khek--chhut-lai, iong siaN-mih liu-lam-khi khoaN long e-sai-chit
(sim-chi IE ma u-hoat-tou).

Unicode POJ ia-koh u ki-thaN e ki-sut se-chiat, ti chia bo beh
tho-lun.  I-siong goa kong e bun-te si siong-kai ki-pun-tek--e,
eng-hiong tioh POJ hian-chhu-si kap bi-lai ti chu-sin sia-hoe e
seng-chun khong-kan kap oah-lat.

I-siong e soat-beng na u bo chheng-chho e sou-chai (ah-si u teng-taN),
lo-hoan hou goa chai.

* * * * * * * * * * * * * * * * *
* Li chu-chheh e e-mail khau-cho si:  Henry .
* Beh kia phoe ho' tak-ke tioh iong chit-e khau-cho chiah kia-e-kau.
* * * * * * * * * * * * * * * * *