Tekhoa hiaN,

Ti li kongoe e tiongkan goa etang khoaN tioh li e jiat-sim kap seNmiaNlat. Li-goa toh ai u kak-ngou, chai-iaN seN-miaN ti giek-liu (anti-current) kap chian-tau tiong e jin-seng, chiah si chin-chiaN e jin-seng. Chiantau-tiong e pengan chiah si chinchiaN e pengan.

Goa chit-lepai toh beh tng khi Bikok. Na-si Siongte goan-i, goa ehakki e koh tng lai. Taioan kauhoe tiong e ou-am-bun-hoa, sit-chai chin kiaN-lang. Pi2 kauhoe-goa e bunhoa koh-khah ou. Goa teh-it-pai chhim-chhim cham tioh chit chiong Taioan-kauhoe e hu-pai.

Taioan cheng2-the2 e bunhoa long si teh beh chou ho-lang e hiong-goan5 bun-hoa, ikip im-hiam e tau-cheng bunhoa. Chit chiong hupai e Tiongkok-bunhoa si bo hibang e lah!

Hibang chin kin koh kap lin kiNbin.

Chiok pengan,

Tan Pheksiu, siong.


"Tekhoa"  wrote:

>Tan boksu:
>
>tosia li ka goa koubu.
>goa ittit jinui Taioan-lang na bo phah-phoa "Li Teng-hui cheng-kiat"
>to bo kholeng chhut-thau-thiN,
>lan iausi ngbang lengg-oa 1-e "kiu3-chu2" lai ka lan kiu,
>msi kati beh khia khi lai kap ROC & PRC chhia-piaN.
>
>leksu na bo chheng-sng, lan bin-chok e cheng-sin to bo kholeng khi-cho.
>
>lan suiau cho--e iau chin che......
>goan siau-lian--e ai koh-khah phah-piaN chiah esai--tit.
>
>~Tekhoa
>
>
>> Tekhoa hiaN,
>>
>> Goa kap li u chin chhim chin kang-khoan e kam-siu.  Kamsia.  Goa ti goa e
>"Taigi-bun pit-jiah" chheh lai ki-chai kin 1/20 ni tiong-kang goa teh
>hoan-khong LTH e pit-jiah.  Lek-su si chit bin kiaN3.  Iong chit e kiaN sisi
>lai chhio lan e liong-sim, lan chiah e-tang cho chit e cheng-tit e lang.
>>
>> tan pheksiu
>>
>>
>> "Tekhoa"  wrote:
>>
>> > Beh正siaN-mih名?
>> > Pasuya
>> >中華民國體制tauh-tauh-a teh「民主化」kap「本土化」, 獨裁戒嚴時代
>> >tauh-tauh-a ui lan e生活--nih消風--去, 台灣人hou外來政權thun踏e記ti
>> >tauh-tauh-a變做過去, 歷史e kha跡是暗影iah是經驗, ma tauh-tauh-a
>> >變做無意義--a?
>> >
>> >228是an-choaN hong集體屠殺? 是an-choaN e用白色恐怖, ka kui代少年人e
>> >熱情kap性命hiat落墓a埔kap烏監牢? 是an-choaN有幾10冬e特務統治kap
>> >禁母語e滅族手段, ka lan「出頭天」e ng望, 扭曲做投機, 妥協, 出賣,
>> >投降e集體心理?
>> >
>> >是lan teh反抗! Kam m是? 是in beh ka lan e反抗鎮壓--落-去, kam m是?
>> >
>> >烏雲罩日e時代過--去-a, lan用性命kap自由e代價迫外來統治集團讓步--a,
>> >lan e-tang大聲kap權力者算歷史e siau--a, lan soah顛倒teh要求「平反」!
>> >
>> >「228」「白色恐怖」「特務統治」「禁母語」......kam是『冤案』『錯案』
>> >『假案』? Lan kam m是正港有ka反抗? 是an-choaN lan soah teh要求平反?
>> >Lan面對外來政權e鎮壓, lan kam m是teh反抗? 是an-choaN tioh平反?
>> >
>> >法國軍隊chiaN百冬e鎮壓, 越南人kam bat要求平反? 英國政府對北美13洲e
>> >剝削, 美國人kam有要求平反? 沙皇幾lo代e殘酷統治, Russia(『俄羅斯』)人
>> >kam是要求平反? M是! In無投降, 無投機ma無妥協, in kap thun踏人民e不義
>> >體制戰鬥! In beh ai--e是歷史e清算! In beh ai--e是自由, 尊嚴kap thau放!
>> >
>> >Ah lan--leh? 14萬條人命, 超過100萬冬e烏監牢, lan無beh kap統治體制算siau,
>> >lan無beh結束ROC體制e統治, lan soah要求平反, lan kan-taN要求賠錢, lan
>> >an-ne to滿足--a! Thai人--e(China集團) kang款hiau-pai, kang款teh決定
>> >lan e運命, 投機妥協--e(台灣人政客)叫lan tioh ka過去long放hou過--去,
>> >lan繼續hou舊體制e「統治霸權」縛kah an-an-an!
>> >
>> >無joa久chin前, 李登輝公開講, moa年(ROC)總統選舉, 連宋若當選to是外來政權
>> >『復辟』. 「本土派」e sianpai趕緊chan聲, koh刊報紙呼籲lan tioh toe
>> >李登輝kha-chhng後來起造台灣國.
>> >
>> >李登輝講--e若有道理, an-ne連宋是『復辟』toh 1-e『前朝』? 是2000年
>> >chin前e李登輝政權? iah是1996年chin前e李登輝政權? 詹益樺自焚e時,
>> >ti「台灣總督府」內底坐大位--e是siaN-mih人? 鄭南榕發動228公義運動kap
>> >新國家運動e時, 李登輝teh chhong siaN? 台灣人用性命kap自由e代價,
>> >ti街頭kap外來政權chhia拚e時, 李登輝khia ti toh 1-peng? 歷史e責任
>> >long e-tang ka放水流? Lan顛倒ai mouh過去hit-e投機者/妥協者/出賣者e
>> >大腿, ka當做是lan e「救世主」?
>> >
>> >2004年連宋若當選是外來政權, 2000年陳水扁用kang款e方式──政黨輪替當選,
>> >kam有「結束」外來政權? 陳水扁當選是中華民國體制內底e「政黨輪替」,
>> >中華民國根本iau-boe hou台灣人消滅, 外來統治根本iau-boe結束, lan e
>> >死kap活猶原是China思想teh控制, kam m是?
>> >
>> >Lan過去teh拚siaN? Kam m是beh ka China體制peng hou倒? M-koh lan nah e
>> >一直倒退lu, ui「制憲建國」退到拜託hou lan「公投決定前途」, koh退到
>> >kan-taN kou-chiaN beh ka中華民國解做台灣: 台獨運動e sianpai發動正名
>> >『嘉年華』, hoah「正名無beh變更(ROC)主權」做口號, 呼召過去beh ka中華民國
>> >體制ian hou倒e台灣人; ian be倒, to kui-khi來ka中華民國正名, tau-tin來ka
>> >外來體制「合法」, tau-tin來接受舊體制霸權繼續ka lan蹧躂.
>> >
>> >Che to是lan chit-e時代siong進步e運動? Che to是lan台灣人被統治e智慧?
>> >
>> >
>> >* * * * * * * * * * * * * * * * *
>> >* Li chu-chheh e e-mail khau-cho si: "Tekhoa" .
>> >* Beh kia phoe ho' tak-ke tioh iong chit-e khau-cho chiah kia-e-kau.
>> >* * * * * * * * * * * * * * * * *
>> >
>
>
* * * * * * * * * * * * * * * * *
* Li chu-chheh e e-mail khau-cho si: 
* Beh kia phoe ho' tak-ke tioh iong chit-e khau-cho chiah kia-e-kau.
* * * * * * * * * * * * * * * * *