Keng-ai e Chinkiu siansiN pengan,

Li e hoe-phe hou-goa chin toa e an-ui.

A-piN-a cheng-hu bo tiong-si kim-pun e bun-te, e chiong Taioan toa jip khi toa chai-lan. Kimpun e bunte u kaikoat, chiah si i soan-phio e lai-goan.

Goa e bak-chiu khoaN--e-tioh e Tiong-eng te-khu (Toa-Tham, Kui-Jin) keng-che long chi bai, khoan-keng oe-seng chin chha, kong-kiong kian-siat long bo chin-heng, kau-thong e to-lou ma bo kian-siat. Tho-te be7 boe chhut khi, in-ui bo lang be2. Taioan-chiN long lau khi Tiong-Kok khi lah. Than-chiN, liau-chiN put-koan, toa-boe se-boe long khi lah. Taioanlang long kong Tiongkokoe lah. Taioan e siahoe long pian-sek lah. Si an-choaN lan choan-sim choan-i chi-chhi ki-thai e Bin-chin-tong iong-un chit chiong tai-chi hoat-seng?

Cha-hng Kauhoekongpousia e chu-sek e hoe-tap goa chin bo moaN-i. In-ui hiaN e soe-hang-gin-na kap chheng-lian, in iau bat Taigi(goa iong Taigi kap in kong, in long thiaN-u). Li na ka7 ka3 Taigi, in iau u hoat-to chhoe toh tng lai. Si an-choaN li m ka ka3? Kahuhoe e su-beng kiam m si cho sian-ti (prophet) ma? Sian-ti bo kong chhut leng-to sia-hoe e oe put-kou si chit boe kia-seng-thang (parasite)loh.

Chin sit-le. The-chhut chia e oan-khi hou tai-ke kan-kho-sim. Chin sit-le. ChhiaN goan-liong.
Pheksiu, siong.




"Jay Huang"  wrote:

>Tan Bok-su peng-an.
>
>Chit-khoan e TiuN-lo-kau-hoe goa cha 10 goa ni cheng tng-khi Taioan e si,
>chiu chhin-sin u khoaN-tioh. Hit-si e kam-siong tu-tu kap li kang-khoan.
>M-si gin-a teh oh Tai-gu, si lau-hoe-a teh oh tiong-kok-oe. Cheng-tong
>lun-the liau-au, chit-sut-a to bo pian. Tai-khai si in-ui sin cheng-tong
>chip-cheng liau chi-u teh khoa-lu soan-ki, tui bo-gu e thui-kong long bo teh
>tiok-chhiu. Iau teh thian-chin siuN kong-hoa-gu e lang e7 hoU Bin-chin-tong
>soan-phio. Hiah e kok-gu thui-kong ui-oan-hoe e lang chheng it-sek si
>giau-pe-a, in soU kui-teng e kau-iok cheng-chhek oan-choan si tiong-kok
>i-sek, 9 ni it-koan e bo-gu kau-iok kin-pun si chhui bong kong, hoU  u
>Tai-oan i-sek e lang thiaN-tioh kam-kak khah song-khoai na-tiaN, kin-pun to
>bo teh sit-heng. Chit-kui-jit Tai-pak chhi Ma Eng-kiu e bo-gu kau-iok
>chiu-si chin ho e le.
>
>Kau-hoe m-si bo teh kong Tai-gu na-tiaN, si chiong seng-keng seng-si long
>eng hoa-gu teh
>thak. Seng-koa-tui chhiuN e koa it-khai long si hoa-gu. In-ui chi-hui e lang
>chi-u iong hoa-gu teh ka.. 50 goa tang e tiong-kok kau-iok cho-chhut chiah
>toa e eng-hiong. M-chai beh  kau ti-si chiah u hoat-toU kiau-cheng koe-lai ,
>bo lok-koan.
>
>A-piN-a koU keng-soan, gu-gian, bun-hoa, keng-che, kok-hong, kho-ki teng i
>long bo teh hoan-lo. Sit-chai chin siong-sim.
>
>Chong-si iah m-bian hoe-sim, su-sit si an-ne, lan si beh tut-phoa chit-e
>lan-koan, chiong Tai-oan koh chit-pai kian-lip ti Tai-oan-lang cho
>tiong-sim, Tai-gu cho tiong-sim e Tai-oan i-sek. ChhiaN m-bian sit-chi
>ke-siok phah-piaN.
>
>ChhiaN po-chhi lok-koan!
>
>Ng Chin-kiu, Ottawa
>
>
>----- Original Message -----
>From: 
>To: 
>Cc: 
>Sent: Sunday, August 18, 2002 5:27 AM
>Subject: [TGB] pou-kou
>
>
>> Liat-ui hiaN-che,
>>
>> Cha-hng goa che hoe-chhia khi Tailam, khi TiuNloukauhoe e chongpou -
>Kauhoe-kongpousia kap Sin-lau chhe-chiok - be2 Seng-Keng.  Jip-khi chia chai
>iaN gin-na kap chheng-liang kui chhu long si lang.  In teh chin-heng
>ha-kui-hak-hau (summer school) e kau-hak.
>>
>> Hit ui ka-chhe e lau-su tui thau kau boe long iong Pak-kiaN-oe
>kau-hak.Kong e khiuN khau chhin chhiuN tiongkoklang an-ni.
>>
>> Goa e sim-cheng chin ut-chut.
>>
>> Goa mng che ti piN-a e Kauhoe-konpousia e chu-sek: "Kiam boe tang iong
>Taigi lai kauhak?"  I e hoe-tap si: "In-ui lau-su ka-ki soan-tek beh iong
>Kok-gi lai ka3!  Goa bo hoat tou. "
>>
>> Taioan kauhoe e leng-tou e jin-but na si iong chit chiong thai-to lai teh
>"leng-tou" kauhoe, chiu-si chiong Taioan kauhoe chhoa khi chu-sat e tou-lou.
>>
>> Kok-lai, iu-ki si hai-goa e Taioan kauhoe, kin-na-jit boe seng-tiong,
>jin-sou lu lai lu chio, choe toa e goan-in, chiu-si Taioanlang bo beh khi
>kong Taioanoe e kauhoe cho lepai, taipouhun long khi kong tiongkokoe e
>kauhoe.
>>
>> Taioankauhoe na bo beh kiu Taigi tng lai, chiu-si Taioankauhoe choat-cheng
>kap siau-biat e si-chun kau lah.
>>
>> Taigi si Taioankauhoe e seNmiaN kap kin-pun.  Taigi piau-si ti kauhoe e
>ka-teng u kut-jiok e koan-he.  Na si chit chiong kut-jiok e koan-he
>siau-biat, Taioankauhoe chiu oan-choan bo chun-chai e i-gi.
>>
>> Ti Kauhoekongpousia e ha-kui-hak-hau sou kam-chhiok tioh e si: lan e
>khau-ho kim-pun m tioh.  Lan teh kong: Chhui an-choaN kong, chhiu chiu
>an-choaN sia.  Chim-ma e gin-na sou kong e oe, lau-su sou ka e oe, lau-bu
>sou ka e oe, ki-jian long m si Taioanoe, lan sou kong e khau-ou chiu
>oan-choan m tioh.  Kim-au ti Taioan e siahoe hiansit, si hou-teng
>(negate)lan sou kian-lip e li-lun, si lan e li-siong e choat-biat e
>hian-sit.
>>
>> Kauhoe e hun-heng chi u chit tiau lou: tui thui heng taigi khai si, m-si
>thui-heng bu-gi.
>>
>> Lan e lou na-chun si lu kiaN lu eh8. Liat-ui hiaN che, lin siuN tioh bo?
>>
>> Tan Pheksiu, boksu, keng siong.
>> * * * * * * * * * * * * * * * * *
>> * Li chu-chheh e e-mail khau-cho si: ????
>> * Beh kia phoe ho' tak-ke tioh iong chit-e khau-cho chiah kia-e-kau.
>> * * * * * * * * * * * * * * * * *
>>
>
>
* * * * * * * * * * * * * * * * *
* Li chu-chheh e e-mail khau-cho si: 
* Beh kia phoe ho' tak-ke tioh iong chit-e khau-cho chiah kia-e-kau.
* * * * * * * * * * * * * * * * *