[大人囡仔詩]71

謠言

--SARS 6之四 李勤岸 法務部長出面警告 若有人tī 這場抗SARS ê 戰爭中 散布謠言 一定beh kā 伊掠來關 伊講SARS 無可怕 謠言上可怕 聽講謠言四界湠，速度 比中國肺炎ê 傳染病毒 走khah 緊 in 講中國已經對台灣 發動生化戰 ! SARS 並無可怕 感染率真低 ài 真近距離接觸 ài 經過嘴瀾 才會òe 著 準òe 著，死亡率 mā 真低 醫好率有夠高 高到 97 pha 外 是按怎講預防SARS 是一場全民 ê 戰爭? 是按怎講治療SARS 是一場台灣ê 戰爭？ 是按怎防治委員會主委 人攏叫伊指揮官? 是按怎護士òe 著SARS死去 是為國犧牲祀入忠烈祠？ 按呢敢有算teh散布謠言？ 是按怎中國一方面騙國際衛生組織 講台灣是in ê 一部分 講in 已經有teh 幫忙台灣防治中國病毒？ （奇怪，是m̄ 是in 心目中一直認為 台北市ê 市長是in 派--ê ？） 是按怎中國koh一方面阻擋台灣加入WHO? hō͘ 咱 m̄ 是who? hō͘ 咱 who to m̄ 是？ 是按怎中國一直teh chhui台灣ê 頷仔頸? 一定ài kā 咱tēⁿ hō͘ 死？ 按呢敢無算已經宣戰？ 按呢敢有算散布謠言？ 是按怎台灣 ê 官員入去感染ê 所在 ài 穿生化戰ê 防衛衣 穿kah ná-像太空人？ 是按怎台灣全民攏ài掛嘴掩 掛kah ná-像覆面ê 忍者？ 是按怎koh 聽講，連鞭 台灣tio̍h beh 學美國 對付生化攻擊ê 做法 逐人攏 ài 注預防射 逐人攏beh分一套防毒面具？ --2003/5/28 Harvard

使用 MSN Messenger 與朋友在線上聊天 * * * * * * * * * * * * * * * * * * Li chu-chheh e e-mail khau-cho si: "Li khinhoann" . * Beh kia phoe ho' tak-ke tioh iong chit-e khau-cho chiah kia-e-kau. * * * * * * * * * * * * * * * * *