Hun-lan-lang ti 6~70 ni-tai toa-liong khi keh-piah e Sui-tian cho lo-kang, gin-a tiam hia toa-han. 70-ni-tai u hak-chia gian-kiu hoat-hian in gin-a ti hak-hau e seng-chek phou-phian bo ho, Hun-lan-gi kap Sui-tian-gi e chhek-giam kiat-ko ma bo ho. Hak-chia kap pe-bu khai-si khui-hoe chou-chit, iau-kiu iong bu-gi siong-kho. E-kha si in sia--e 1-toaN:

"Tu khai-si ti [siu-tou] Stockholm e [Hun-lan-gi] kau-sek tu-tioh chiaN toa
e khun-lan. Chu-iau e goan-in si che-che gin-a kau beh jip-hak e ni-hoe toh
i-keng giong beh be-ki-tit in-e Hun-lan-oe: in an Sui-tian-gi e thok-ji-sou
chhut-lai e, ti hia oan-choan bo ki-hoe hoat-tian in-e bu-gi. In-ui
toa-pou-hun e pe-bu chiaN piaN-si chiah-thau-lou, in peng bo-kau si-kan kap
in-e gin-a tau-tin, gin-a kui-kang tiam thok-ji-sou, tng--lai ma thiam a.

Chu an-ne, te-2-e kai-toaN toh-si beh kiong-lek cheng-chhu Hun-lan-gi e
thok-ji-sou. Ka-tiuN [ui hak-chia hia] theh-tioh koan-he gin-a hoat-iok kap
gin-a gi-gian hoat-tian e chu-liau, pau-koat Hun-lan-gi thok-ji-sou e-tang
toa--lai e chok-iong. Ka-tiuN ma tit-tioh chu-liau koan-he gin-a ju-ho ti
bo kang-khoan e cheng-heng chi-ha chiaN-cho siang-gi e lang.

1981-ni e chhun-thiN gun ti Rinkeby u 6-keng Hun-lan-gi e iu-ti-hng, koh u
6-mng iong Hun-lan-gi kau-hak e kho-theng, hak-seng ma ju lai ju che-e.
Hak-hau e chong-hong u teh chin-pou, chit-ma jip-hak e gin-a e kong
Hun-lan-oe, ji-chhiaN u in ni-hoe sou eng-kai u--e cheng-siong--e
hoat-tian."

[Honkala, T., Leporanta-Morley, P., Liukka, L. kap Rougle, E. (1988).
Finnish children in Sweden strike for better education. Ti Minority
education. Skutnabb-Kangas, T. kap Cummins, J. (pian), 239-250. Clevedon:
Multilingual Matters.]

--Hong-giau






* * * * * * * * * * * * * * * * *
* Li chu-chheh e e-mail khau-cho si: "Henry H. Tan-Tenn" .
* Beh kia phoe ho' tak-ke tioh iong chit-e khau-cho chiah kia-e-kau.
* * * * * * * * * * * * * * * * *