Kok-ui hiaN-che peng-an : Ka tak-e po-ko goa sou liau-kai e TNT Tai-gi su-chu hun-lian-pan e chong-hong. TNT siuN beh khui chit-chiong pan ,tiu-pi e si-kan kho-leng bo chhiau-koe 2 le-pai,sng si chin chhong-pong e chong-hong khui-kho--e,m-koh ,tian-tai hoat-hian beh po-mia e chong-hong chiaN iong-iok,choaN-a siuN kong khui ju che7 pan ju2 ho,kau bok-chian ,goa sou chai --e chi-chio u khui 9 pan,mui 1 pan chu 20 kui2 lang kau 35 lang long u ,sng--khi-lai chiap-kin 250 lang lai po-mia siong-kho. In ui-beh koaN2 e7-hu3 4 goeh-te e bo-gi su-chu jin-cheng,chhai-chhu 36 tiam-cheng bit-chip siong-kho e hong-sek,u e pan 1 le-pai 2 chiat kok 3 goam-cheng,u e pan 1 le-pai 1 pai lian-soa siong 6 tiam-cheng( ui goa7 koan7-chhi7 e thiaN-iu2 kho-lu). Siong-kho si-kan kap kang2-su u : Pai-1/pai-4 pan(am-si),pai-2/pai-5 B-pan( am-si ),pai-6 A-pan(chai-khi kau e-pou),kang2-su long-si Tan5 Chhiong(TNT Taigi sin-bun chu2-po3,khah-cha2 bat ti Tai5-si7 po sin-bun,thiaN-kong si KMT kai2-kek ui-oan-hoe e seng-oan). Pai-2/pai-5 pan(e-pou kap am-si kok 1 pan),pai-6 B-pan(chai-khi kau e-pou), kang2-su long-si Tan5 Hian3-kok. Pai-3/pai-6 pan( am-si),kang2-su si Ang5 Gim2-tian5 ( Lok8-kang2-sian). Le-pai-jit A-pan( chai-khi kau e-pou),kio goa khi ka3. Le-pai-jit B-pan( chai-khi kau e-pou) , kang2-su si Sia7 Tek-khiam( TNT chiat-bok pou7 chu2-jim7). Kau3-sek su-iong tian-tai e lian-gi-sek(siong-che kheh 30 e),iah-si lau5-boe2-teng2 e koan-li-ui-oan-hoe e hoe-gi-sek( thiaN-kong bat kheh chiong-kin 40 lang,m-koh toh-a bo hiah-che chiah). Goa thau-seng si hou Hian-kok hiaN thong-ti kong,tian-tai siuN-beh khui chit-chiong kho3,kio i tiau-chip chhoe kang-su,i mng goa kam-kak chit -khoan kho3 ai loe-iong ai pau-ham toh 1 -koa mih-kiaN,goati tian-oe tiong ka i kong kui-e kian-gi.Liau-au,tian-tai e kang-chok jin-oan koh keh kui2-kang kha tian-oe mng goa kong, goa kam e-sai poah le-pai-jit kui-kang e si-kan khi ka in siong 1 -pan? Pun-lai teh tiuN-tu beh khi iah m,boe--a siuN-kong,TNT e thiaN-iu lai5-chu7 sia-hoe ki-chan5,it-hiong lan 1-koa thak-chia si tui TNT e koan-to lai--e ,tui TNT e thiaN-iu,ki-pun siong,goa tui in e Taioan i-sek phou-phian chin kiong5, kam-kak ai kap in u ho e lian-he kap chih-chiap,ji-chhiaN goa ma siuN-beh chioh ki-hoe thoan-po POJ,sou-i ,kho-lu liau-au ,ka in tap-eng kong e-sai khi ka3. TNT thong-ti goa khi khui kang2-su tiu-pi hoe-gi( 2 goeh-chhe),goa khi kau TNT,chiah hoat-hian : Ki-sit TNT ti 1 goeh-tiong to khai-si khui-kho--a! Goa si in khui chiok che7 pan liau-au kho-leng chhoe bo-lang e-sai ti le-pai-jit khui-kho chiah mng goa e-sai siong-kho--bo.PiN-cho kok-lang beh ka3 siaN,ka-ki chhoan5,bo hoat-tou iok-sok .Tan Chhiong kap Tek-khiam su-sit-siong m-bat ka3--koe,goa m-chai in si an-choaN ka3--e,kan-ta chai-iaN Tek-khiam u ka3 POJ,ki-tha--e na-chhiuN si su-iong TLPA e chai-liau hou hak-seng khoaN,Hian-kok kap Gim-tian e kong-hoat si: in TLPA kap POJ long u ka3,m-koh eng-kai si iong TLPA ui-chu2(in-ui kau-chai e koan-he).Tan-chhiong kap Tek-khiam in-ui khiam3 keng-giam,chin che7 chai-liau si ka Hian-kok tho2--e. Hian-kok u theh in chhut-pan e [Hoa-tai tui-chiau tian2] kap [Gan-gi tian2] hou tian-tai be7 hou hak-oan. Goa ka3 POJ,u ka in soeh-beng TLPA e iu-lai,hou in POJ kap TLPA e tui-chiau-pio2,su-iong POJ e kau-chai.M-koh goa bo hoat-tou hian-che ki-tha kang-su mai ka3 TLPA. Ko-jin khah hoan-tui--e si:TNTti soan-thoan hong-sang e lok-im-toa kong,kio tak-e lai [po-mia chham-ka chit-e pan,e-tang hou tak-e thong-koe su-chu jin-cheng,ka3 Tai-gi than3-chiN5]!Chit-chiong phong-hong /bo siaN sit-chai e soan-thoan hong-seksi goa khah bo tong-i--e. Seng kong an-ne hou tak-e chham-kho. A-hui