[tgb] 真正ê信仰者─記念詹益樺為台灣建國犧牲

From: bingh tang
Date: 2010-05-21 18:28:11

真正ê信仰者─記念詹益樺為台灣建國犧牲 自由 ê 空氣 紐西蘭南島納爾遜m-nā有青瓏瓏 ê 樂園也有自由 ê 空氣 遠洋船員詹益樺 Tī 一擺船難意外Chhàu-tú-khám 來到這個樂園好心適、和平 ê壯觀Hông 感歎koh 歡喜人活了親像人應該活ê款式 得著人應該有ê尊嚴這種無共款ê價值觀hông欣羨Tī紐西蘭暫時意外 ê 生活呼吸tioh自由 ê 空氣深深影響益樺伊不禁感歎Kā chia the̍h來比 phēngHit時 hō͘ 「中華民國」壓霸佔領 ê台灣　人民活tī 罔活ê日子一個人間 ê 快樂國　離台灣遠遠遠 益樺孜孜看向望家己 ê家園也 ē-tàng成做人間ê樂園良心ê憤怒 Tńg來台灣ê益樺成做黨外運動 ê 義工四界參加活動Tī許信良闖關 tńg 來台灣 發生「桃園機場事件 」彼時益樺干單進入機場外門就hō͘酷橫ê軍警悽慘拍頭受傷　目睭紅koh腫被關 tī軍營十外小時伊規身軀 ê外傷 kap踧傷憤怒　慼心總算看清國民黨 ê真面目無願意屈服 益樺講Tio̍h謳咾上帝ê名我願意堅心隨上帝來行 「我無願意屈服tī豬槽腳Kap 豬鬥陣食phunM̄願作一 隻快樂ê 豬」 益樺真勇‹驚火箸長期參與黨外運動絕對bē煏鼓箸為言論自由壯烈成仁 1989年4月初7鄭南榕為tio̍h爭取台灣人百分之百ê 言論自由英勇對抗國民黨Tī自由時代雜誌社引火來自焚壯烈來成仁 「鄭南榕是一粒偉大koh媠ê種子我希望家己 mā成做一粒偉大koh媠ê種子」 南榕 ê 成仁喝醒益樺ê人生態度──無論是闊度á是深度 彼時伊就決定欲 tī「519」南榕出殯ê時Tī 總統府頭前自焚來抗議生為台灣人、死為台灣魂 1989年5月19 日鄭南榕烈士出殯ê行列行到象徵統治者權威ê總統府頭前酷橫 ê軍警向和平遊行ê民眾噴射強力ê水柱喪禮隊伍受阻擋 突然間益樺kā 藏tī 身軀ê 汽油點火跳向蛇籠ê鐵絲網頂懸掛tio̍h「生為台灣人、死為台灣魂」ê 布條伊 kā 布條攬牢牢攬著100% ê「言論自由 」終其尾衝破 hit時禁談ê台灣獨立 ê 圍牆 信仰者 siōng嚴苛ê控訴 益樺用伊32 歲少年郎ê身軀向國民黨做Siōng嚴苛 ê 控訴 伊本身m̄-nā是一篇有生命 ê史詩也是第一個為tio̍h台獨 ê 信念Tī「總統府」頭前自焚ê殉道者 益樺ê犧牲是人民peh 起來對抗專制對抗極權 ê極致是人民疼惜台灣 ê 極致是無我犧牲ê極致 真正ê信仰者 益樺一個仰望上帝 ê 性命有疼心kap正義感 伊　甘願犧牲家庭自我 伊　用行動表達對台灣ê愛　　用一葩憤怒 ê民主之火激勵台灣ê民主運動 伊 　用對真理ê渴慕kap願望真誠奉獻信仰無搖泏 伊　用青春ê 性命實現真理伊chham 生前好友陳東騰攏是真正生活ê熱心者性命ê殉道者真正ê信仰者

-- 您已訂閱「Google 網上論壇」的「Tai-gu-bang」群組，因此我們特別傳送這封郵件通知您。 如要在此群組張貼留言，請傳送電子郵件至 。 如要取消訂閱此群組，請傳送電子郵件至 。 如需更多選項，請造訪此群組：http://groups.google.com/group/taigu?hl=zh-TW。