泛古 (TGHS C01)

發信人: (Iunn Ungian), 信區: Taiwanese 標 題: 泛古 (TGHS C01) 發信站: 台灣大學 (Mon Nov 7 10:16:18 1994) 轉信站: cis_nctu!news.cis.nctu!news.cc.nctu!nctuccca!netnews.ntu!ccms!iug

泛 古 富仔 這是一兮真故代 我卜來講予恁知 聽了心肝會凊彩 毋信恁即試看眛(mai)

Toa 佇阮兜隔壁有一兮伯仔，名叫福仔， 做儂真海派，嘛真趣味。雖然六、七十歲啊， 毋閣可能是做sit 兮緣故，身體iau 真勇。扑 宋江兮時閣定定夯頭旗。 前一暫，庄內卜做醮，廟lin 兮耆-老、老-大 ，羅(lo)壇請王爺公發落。福仔看尹囡仔最近 駛鐵牛仔兮時精神真醜(bai) ，不時teh hah- hi，先想攏想無，尹囡仔十七、八歲勇kah-na 牛，某嘛未娶，伊感覺攲蹺(khi-khiau)，to 走去廟內續(soa) 壇。 彼暗掠手轎仔e 是管仔佮貴仔，兩e 儂武 一暫真大暫，所以攏歸身軀汗；福仔一五一十 向王爺公報告；了後手轎仔to"khok"一聲，佇 案桌頂寫一字「安」，逐家開始ioh 佛仔字， 「安心無事」、「安全」、「安好」、「安樂 」i̍i̍ioh 歸晡，強強卜掀辭典出來ioh ，結 果攏毋是，福仔看毋是勢，講：「請王爺公講 卡清楚e 。」，手轎仔旋旋e ，閣寫一字「命 」；逐家愈iok 愈心適，未輸正月十五teh ioh 謎猜。「安」，「命」，「莫非是講聽天由命 ？」，逐家七嘴八舌；好事總是多拖磨，真正 乎仆敗，王爺公可能不忍心看伊兮信徒，ioh- kah 起空，大大tng 一下，寫「安非他命」四 字。 阿全伯尹孫讀國校，下晡下課著傱(chong) 去看鬧熱，佇邊仔掀字典，鬥ioh ，全伯仔ka 尹孫講：「哭父，moh 一本字典赫大本擱 ioh 無，見笑代，讀冊攏讀對跤脊phiaN 去，了然 。」尹孫講：「職句話，字典內底chhoe 無， 袂凍怪我。」職時陣，福仔雄雄喝一聲：「著 著，看伊最近無啥正常，chhiaN-chhiaN 宓 ( bih)佇豬椆邊，無著關佇房間內，毋知變啥蠓 ，一定是食啥物安非它命，職箍死囡仔che ， 看恁父安怎ka你修理」。請煞，行出廟口，轉 去尹厝。 時代進步，儂進步神明也著進步，以後卜 羅壇上好嘛愛請外文系e 去ioh ，萬一寫一寡 英文字，比如「AIDS」，啥看有？啥敢講這是 無可能兮 代誌咧？

註:全仔尹孫用e 是:國語日報字典。

-- ───「清華」大學．「台灣」大學．「建國」中學．「和平」國中─────── o-va-tang su-ni-s o ta-ju-ngan (Kavalan) ──→ 小姐汝真媄 (siochia li chin sui ) (Taiwanese) nng-i-so oa-nai-ti hai-ia (Kavalan) ──→ 汝好否 ( li ho boo? ) (Taiwanese) (Ungian)(Ungian)