Banglou tiong e hiaNche pengan,

Tui teng chhu goa the-khi Tiong-Au kap Tang-Au kok-kok cheng-hu iong cheng-ti liek-liong chek-kek pou-ho bugi e tai-chi, in-khi chin che bang-iu e hoe-eng.

Kin-na-jit In-ni cheng-hu soan-po, ti liau koan-kong visa i-goa, sou-u sin-chheng tng-ki visa e goa-kok-lang long tioh keng-koe In-ni-gi e kian-teng chhi-giam. Bo thong-koe In-ni-gi chhi-giam e lang, tioh kiong-che chhut kok.

Chit e chhi-giam kap Engi-he kokka sou kui-teng e TOEFL (liu-hak Enggi-lenglek chhi-giam) kang-khoan, tioh kho thak, bun-hoat, thiaN 3 hang.

Bokcheng In-ni iok u 3-ban goa-kok lai e sengli-lang kap hak-seng.

Ui tioh beh kian-lip In-ni kokka e gigian bunhoa te-ui, sun-eng sin-se-ki e tiau-liu lai chin-heng e cheng-ti chhiu-toaN.

Lan Taioanlang kiam u koat-sim beh kian-lip lan ka-ki e gigian-bun-hoa e chu-the-seng ne?

Tan Pheksiu, Seattle.