Lâm-siā bāng-chām su-iàu Tâi-oân kap Tâi-gí bûn-hak chu-liāu

From: Teng Hongtin
Date: 2008-12-28 21:04:34

Kok-ūi iú-chì：**

Tâi-ôan Lâm-siā ê Tēⁿ Chèng-io̍k siā-tiúⁿ tī 2008 nî 11 goe̍h ū phah tiān-ōe hō͘ góa, hi-bāng góa thê-kiong Tâi-oân Bûn-ha̍k kap Tâi-gí bûn-ha̍k ê siong-khoan bûn-chiuⁿ, chóng-sò͘ tāi-kài 20 bān jī ,** beh kh**ǹg tiàm **Tâi-ôan Lâm-siā** ê bāng-chām: http://home.anet.net.tw/pesporch/index.htm, thang hō͘ lâng jīm-bat Tâi-oân bûn-ha̍k kap Tâi-gí bûn-ha̍k.

Kiat-kó goá soah thoa kàu chit-má iáu bô oân-sêng, kám-kak kài sit-lé.

Goá ǹg-bāng ta̍k-ke ē-tàng tàu thê-kiong chu-liāu, in-ūi ū tù-chok-koân ê būn-tê, pit-su ài tù-chok-chiá tông-ì ê bûn-chiuⁿ chiah thang khǹg. Nā-sī lí tông-ì kā lí ê chu-liāu bûn-chiuⁿ khǹg tiàm Lâm-siā ê bāng-chām, mā-hoân kā chu-liāu bûn-chiuⁿ tī 2009/1/6 lé-pài saⁿ chìn-chêng e-mail kàu Hongtin ê e-mail :

Beh khǹg siáⁿ-mih--leh? Goá siūⁿ ji̍p-mn̂g ê siàu-kài kap khah ū chhim-tō͘ ê hun-sek lóng thang, bûn-ha̍k-sú chit lūi  ê bûn-chiuⁿ mā kài su-iàu.

Ē khì khoàⁿ Lâm-siā ê bāng-chām ê lâng, eng-kái sī khah koan-sim Chèng-tī ê lâng, ē-tàng thàu-koè lán thê-kiong ê chit-koá chu-liāu , hō͘ in tùi Bûn-ha̍k ū khah chheng-chhó ê jīm-bat, goá kám-kak mā sī kài ū su-iàu kap ì-gī ê tāi-chì.

Ǹg-bāng lín ē-tàng thê-kiong chu-liāu lâi hong-hù Lâm-siā ê bûn-ha̍k sè-kài.

 

Teng Hongtin 丁鳳珍  2008/12/28 Tâi-tiong