Tekhoa hiaN,

Goa kap li u chin chhim chin kang-khoan e kam-siu. Kamsia. Goa ti goa e "Taigi-bun pit-jiah" chheh lai ki-chai kin 1/20 ni tiong-kang goa teh hoan-khong LTH e pit-jiah. Lek-su si chit bin kiaN3. Iong chit e kiaN sisi lai chhio lan e liong-sim, lan chiah e-tang cho chit e cheng-tit e lang.

tan pheksiu


"Tekhoa"  wrote:

>                     Beh正siaN-mih名?
>                                                          Pasuya
>中華民國體制tauh-tauh-a teh「民主化」kap「本土化」, 獨裁戒嚴時代
>tauh-tauh-a ui lan e生活--nih消風--去, 台灣人hou外來政權thun踏e記ti
>tauh-tauh-a變做過去, 歷史e kha跡是暗影iah是經驗, ma tauh-tauh-a
>變做無意義--a?
>
>228是an-choaN hong集體屠殺? 是an-choaN e用白色恐怖, ka kui代少年人e
>熱情kap性命hiat落墓a埔kap烏監牢? 是an-choaN有幾10冬e特務統治kap
>禁母語e滅族手段, ka lan「出頭天」e ng望, 扭曲做投機, 妥協, 出賣,
>投降e集體心理?
>
>是lan teh反抗! Kam m是? 是in beh ka lan e反抗鎮壓--落-去, kam m是?
>
>烏雲罩日e時代過--去-a, lan用性命kap自由e代價迫外來統治集團讓步--a,
>lan e-tang大聲kap權力者算歷史e siau--a,  lan soah顛倒teh要求「平反」!
>
>「228」「白色恐怖」「特務統治」「禁母語」......kam是『冤案』『錯案』
>『假案』? Lan kam m是正港有ka反抗? 是an-choaN lan soah teh要求平反?
>Lan面對外來政權e鎮壓, lan kam m是teh反抗? 是an-choaN tioh平反?
>
>法國軍隊chiaN百冬e鎮壓, 越南人kam bat要求平反? 英國政府對北美13洲e
>剝削, 美國人kam有要求平反? 沙皇幾lo代e殘酷統治, Russia(『俄羅斯』)人
>kam是要求平反? M是! In無投降, 無投機ma無妥協, in kap thun踏人民e不義
>體制戰鬥! In beh ai--e是歷史e清算! In beh ai--e是自由, 尊嚴kap thau放!
>
>Ah lan--leh? 14萬條人命, 超過100萬冬e烏監牢, lan無beh kap統治體制算siau,
>lan無beh結束ROC體制e統治, lan soah要求平反, lan kan-taN要求賠錢, lan
>an-ne to滿足--a! Thai人--e(China集團) kang款hiau-pai, kang款teh決定
>lan e運命, 投機妥協--e(台灣人政客)叫lan tioh ka過去long放hou過--去,
>lan繼續hou舊體制e「統治霸權」縛kah an-an-an!
>
>無joa久chin前, 李登輝公開講, moa年(ROC)總統選舉, 連宋若當選to是外來政權
>『復辟』. 「本土派」e sianpai趕緊chan聲, koh刊報紙呼籲lan tioh toe
>李登輝kha-chhng後來起造台灣國.
>
>李登輝講--e若有道理, an-ne連宋是『復辟』toh 1-e『前朝』? 是2000年
>chin前e李登輝政權? iah是1996年chin前e李登輝政權? 詹益樺自焚e時,
>ti「台灣總督府」內底坐大位--e是siaN-mih人? 鄭南榕發動228公義運動kap
>新國家運動e時, 李登輝teh chhong siaN? 台灣人用性命kap自由e代價,
>ti街頭kap外來政權chhia拚e時, 李登輝khia ti toh 1-peng? 歷史e責任
>long e-tang ka放水流? Lan顛倒ai mouh過去hit-e投機者/妥協者/出賣者e
>大腿, ka當做是lan e「救世主」?
>
>2004年連宋若當選是外來政權, 2000年陳水扁用kang款e方式──政黨輪替當選,
>kam有「結束」外來政權? 陳水扁當選是中華民國體制內底e「政黨輪替」,
>中華民國根本iau-boe hou台灣人消滅, 外來統治根本iau-boe結束, lan e
>死kap活猶原是China思想teh控制, kam m是?
>
>Lan過去teh拚siaN? Kam m是beh ka China體制peng hou倒? M-koh lan nah e
>一直倒退lu, ui「制憲建國」退到拜託hou lan「公投決定前途」, koh退到
>kan-taN kou-chiaN beh ka中華民國解做台灣: 台獨運動e sianpai發動正名
>『嘉年華』, hoah「正名無beh變更(ROC)主權」做口號, 呼召過去beh ka中華民國
>體制ian hou倒e台灣人; ian be倒, to kui-khi來ka中華民國正名, tau-tin來ka
>外來體制「合法」, tau-tin來接受舊體制霸權繼續ka lan蹧躂.
>
>Che to是lan chit-e時代siong進步e運動? Che to是lan台灣人被統治e智慧?
>
>
>* * * * * * * * * * * * * * * * *
>* Li chu-chheh e e-mail khau-cho si:  "Tekhoa" .
>* Beh kia phoe ho' tak-ke tioh iong chit-e khau-cho chiah kia-e-kau.
>* * * * * * * * * * * * * * * * *
>
* * * * * * * * * * * * * * * * *
* Li chu-chheh e e-mail khau-cho si: 
* Beh kia phoe ho' tak-ke tioh iong chit-e khau-cho chiah kia-e-kau.
* * * * * * * * * * * * * * * * *